Ram: రామ్ జోడిగా ఛాన్స్ కొట్టేసిన పొడగరి భామ .. భాగ్యశ్రీ బోర్సే !
- 'మిస్టర్ బచ్చన్'తో పరిచయమైన భాగ్యశ్రీ
- యూత్ లో పెరిగిపోయిన ఫాలోయింగ్
- రామ్ సినిమాపైనే ఆశలు పెట్టుకున్న బ్యూటీ
- రేపటి నుంచి మొదలుకానున్న సందడి
తెలుగు తెరకి ఈ మధ్య కాలంలో పరిచయమైన అందమైన హీరోయిన్స్ లో భాగ్యశ్రీ బోర్సే ఒకరు. 'మిస్టర్ బచ్చన్' సినిమాలో ఈ బ్యూటీ అందాల సందడి చేసింది. తెలుగు తెరపై మెరిసిన పొడగరి భామలలో ఒకరుగా నిలిచింది. 'మిస్టర్ బచ్చన్' సినిమా ఆశించిన స్థాయిలో ఆడకపోయినా, ఆ సినిమాలో గ్లామర్ పరంగా ఆమె చేసిన మాయజాలాన్ని ప్రేక్షకులు మరిచిపోలేదు.
ఈ నేపథ్యంలోనే భాగ్యశ్రీకి రామ్ సినిమాలో ఛాన్స్ దక్కింది. రామ్ హీరోగా మైత్రీ మూవీ మేకర్స్ - ఫీల్ గుడ్ వారు కలిసి ఒక ప్రాజెక్టును సెట్స్ పైకి తీసుకుని వెళుతున్నారు. రేపు ఈ సినిమా పూజా కార్యక్రమాలు జరగనున్నాయి. 'మిస్ శెట్టి మిస్టర్ పోలిశెట్టి' సినిమాకి దర్శకత్వం వహించిన మహేశ్ బాబు పి, ఈ సినిమాకి దర్శకత్వం వహించనున్నాడు. కెరియర్ పరంగా రామ్ కి ఇది 22వ సినిమా.
కొంతకాలంగా రామ్ ను వరుస ఫ్లాపులు పలకరిస్తున్నాయి. భారీ అంచనాల మధ్య వచ్చిన 'డబుల్ ఇస్మార్ట్' కూడా ఆయనను కాపాడలేకపోయింది. ఈ నేపథ్యంలో ఆయన ఈ సినిమాను అంగీకరించాడు. ఈ సినిమా హిట్ రామ్ తో పాటు భాగ్యశ్రీకి కూడా చాలా అవసరమే. ఈ సినిమాతో హిట్ దొరికితే ఈ సుందరి హవా కొనసాగే అవకాశం ఉంది.
