Team India: ఇవాళ్టి మ్యాచ్ కీలకం... టాస్ గెలిచిన టీమిండియా
- టీమిండియా-దక్షిణాఫ్రికా మధ్య నాలుగు మ్యాచ్ ల సిరీస్
- నేడు చివరిదైన నాలుగో టీ20
- టాస్ గెలిచి బ్యాటింగ్ ఎంచుకున్న టీమిండియా
- 5.5 ఓవర్లలో 73 పరుగులు జోడించిన ఓపెనర్లు
టీమిండియా, దక్షిణాఫ్రికా జట్ల మధ్య చివరిదైన నాలుగో టీ20 షురూ అయింది. ఇప్పటికే సిరీస్ లో 2-1తో ఆధిక్యంలో ఉన్న టీమిండియా ఈ మ్యాచ్ గెలిస్తే, సిరీస్ కైవసం చేసుకుంటుంది. సిరీస్ గెలవాలని తహతహలాడుతున్న భారత జట్టు టాస్ గెలిచి బ్యాటింగ్ ఎంచుకుంది. ఈ మ్యాచ్ కు జొహాన్నెస్ బర్గ్ లోని ది వాండరర్స్ స్టేడియం వేదికగా నిలుస్తోంది.
ఈ మ్యాచ్ లో టీమిండియాకు శుభారంభం లభించింది. ఓపెనర్లు అభిషేక్ శర్మ, సంజు శాంసన్ తొలి వికెట్ కు కేవలం 5.5 ఓవర్లలోనే 73 పరుగులు జోడించారు. అభిషేక్ శర్మ 18 బంతుల్లో 2 ఫోర్లు, 4 సిక్సులతో 36 పరుగులు చేసి సిపామ్లా బౌలింగ్ లో వెనుదిరిగాడు.
ప్రస్తుతం టీమిండియా స్కోరు 7 ఓవర్లలో 1 వికెట్ నష్టానికి 81 పరుగులు. మరో ఓపెనర్ సంజు శాంసన్ 34, తెలుగుతేజం తిలక్ వర్మ 2 పరుగులతో క్రీజులో ఉన్నారు.
