Sukumar: సుకుమార్‌ కోసం ఆగిపోయిన సినిమా ! 'పుష్ప-2' తరువాత మళ్లీ మొదలు!
- ఆశిష్ హీరోగా 'దిల్‌' రాజు నిర్మిస్తున్న 'సెల్ఫీష్‌'
- 'సెల్ఫీష్‌' చిత్రానికి దర్శకుడిగా సుకుమార్‌ శిష్యుడు
- కథలో సుకుమార్‌ సజెషన్స్‌ కోసం చిత్రీకరణ వాయిదా
ప్రస్తుతం దర్శకుడు సుకుమార్‌ 'పుష్ప-2 ది రూల్‌' చిత్రీకరణతో పాటు నిర్మాణానంతర పనుల్లో బిజీగా ఉన్నాడు. ఇండియాలోనే అత్యంత క్రేజీ ప్రాజెక్ట్‌గా నిర్మాణం జరుపుకుంటోన్న ఈ చిత్రంలో అల్లు అర్జున్‌ కథానాయకుడు. డిసెంబర్‌ 5న ప్రేక్షకుల ముందుకు రానున్న ఈ చిత్రం ట్రైలర్‌ను ఈ నెల 17న బీహార్‌లోని పాట్నాలో విడుదల చేస్తున్నారు.
అయితే 'పుష్ప-2' చిత్రం విడుదలకు 'దిల్‌' రాజు నిర్మాణంలో రూపొందుతోన్న ఓ సినిమా చిత్రీకరణకు సంబంధం ఉంది. వివరాల్లోకి వెళితే... సుకుమార్‌ శిష్యుడు కాశీ దర్శకత్వంలో ఆశిష్ రెడ్డి హీరోగా 'దిల్‌'రాజు నిర్మాతగా 'సెల్ఫీష్‌' అనే చిత్రాన్ని నిర్మిస్తున్నాడు. సుకుమార్‌ సొంత నిర్మాణ సంస్థ సుకుమార్‌ రైటింగ్స్‌ సంస్థ కూడా ఈ చిత్ర నిర్మాణంలో పాలు పంచుకుంటోంది.
గత ఏడాది చిత్రీకరణ ప్రారంభించిన ఈ చిత్రం యాభై శాతం చిత్రీకరణ పూర్తి చేసుకుంది. అయితే ఈ చిత్ర కథలో కొన్ని మార్పుల కోసం 'దిల్‌'రాజు సుకుమార్‌ సలహాలు అడిగాడు. అయితే ప్రస్తుతం తాను పుష్ప-2 పనుల్లో బిజీగా ఉన్నానని... ఈ చిత్రం విడుదల తరువాత కథా చర్చల్లో ఉంటానని చెప్పడంతో రాజు 'సెల్ఫీష్‌' చిత్రీకరణను వాయిదా వేశాడు.
'పుష్స-2' రిలీజ్‌ తరువాత సుకుమార్‌తో కథలో మార్పుల గురించి చర్చించి, బ్యాలెన్స్‌ చిత్రీకరణ పూర్తిచేస్తానని దిల్‌ రాజు ఈ రోజ జరిగిన ప్రెస్‌మీట్‌లో తెలియజేశాడు. ఇక శిష్యుడు సినిమా కోసం సుకుమార్‌ టైమ్‌ కేటాయించడం నిజంగా అభినందనీయమని అంటున్నారు సినీ జనాలు.
