Mohammad Rizwan: కెప్టెన్ అంటే రాజు కాదు.. సేవ‌కుడు: పాక్ కొత్త కెప్టెన్ మహ్మద్ రిజ్వాన్ ఆస‌క్తిక‌ర వ్యాఖ్య‌లు
- పాకిస్థాన్ వైట్బాల్ క్రికెట్ ప‌గ్గాలు మహ్మద్ రిజ్వాన్‌కు అప్ప‌గింత
- సార‌థిగా తొలి మీడియా సమావేశంలో ఆక‌ట్టుకున్న రిజ్వాన్ ప్ర‌సంగం
- కెప్టెన్‌గా త‌న‌ను తాను రాజుగా భావిస్తే, అప్పుడు ప్రతిదీ పడిపోతుంద‌ని వ్యాఖ్య
పాకిస్థాన్ వైట్బాల్ క్రికెట్ కెప్టెన్సీకి బాబర్ ఆజం గుడ్‌బై చెప్పడంతో కొత్త సార‌థిగా మహ్మద్ రిజ్వాన్ ఆదివారం ప‌గ్గాలు అందుకున్నాడు. ఈ సంద‌ర్భంగా లాహోర్‌లో జరిగిన విలేకరుల సమావేశంలో మాట్లాడుతూ రిజ్వాన్ ఆస‌క్తిక‌ర వ్యాఖ్య‌లు చేశాడు.
జట్టులోని 15 మంది స‌భ్యుల‌కు సేవ చేయడానికి తాను ఇక్కడకు వచ్చానని, రాజులా వ్యవహరించడానికి కాదని రిజ్వాన్ అన్నాడు. దీంతో కెప్టెన్ అంటే రాజు కాదు.. సేవ‌కుడు అని అర్థం వ‌చ్చేలా రిజ్వాన్ మాట్లాడటం అంద‌రినీ ఆక‌ర్షించింది. ఇక వచ్చే నెలలో ఆస్ట్రేలియా, జింబాబ్వేలో పాకిస్థాన్ పరిమిత ఓవర్ల పర్యటనలకు వెళ్ల‌నుంది. ఈ పర్యటనలకు ముందు పాకిస్థాన్ క్రికెట్ బోర్డు (పీసీబీ) మ‌హమ్మద్ రిజ్వాన్‌ను తమ కొత్త కెప్టెన్‌గా ప్రకటించింది. అలాగే సల్మాన్ అలీ అఘాను వైస్ కెప్టెన్‌గా నియ‌మించింది.
"కెప్టెన్‌గా నన్ను నేను రాజుగా భావించడం ప్రారంభిస్తే, అప్పుడు ప్రతిదీ పడిపోతుంది. నాయకుడిగా జట్టులోని 15 మంది వ్యక్తులకు సేవ చేయడానికి నేను ఇక్కడ ఉన్నాను. విజయాల గురించి మాకు సందేశాలు, మద్దతు ఉన్నాయి. మా జట్టులో ఉన్న ప్రతి ఒక్కరికి నేను చెప్పేది ఒక్క‌టే 'పోరాడండి, పోరాడండి, పోరాడండి'. పోరాటానికి లోటు లేదని మొత్తం దేశానికి చూపించడానికి మేము మా వంతు ప్రయత్నం చేస్తాం" అని రిజ్వాన్ చెప్పుకొచ్చాడు.
రిజ్వాన్ జట్టు కెప్టెన్‌గా తన బాధ్యతల గురించి మాట్లాడుతూ, టాస్క్‌లను నిర్వహించడం, ప్రెజెంటేషన్‌లకు హాజరు కావడం, సమావేశాలను నిర్వహించడం తన పాత్ర అని అన్నాడు.
ఇక వచ్చే నెల నుండి ఆస్ట్రేలియా, జింబాబ్వేలో జరిగే వైట్బాల్ సిరీస్‌ల కోసం పాకిస్థాన్ 15 మంది సభ్యులతో కూడిన జట్టులను ప్రకటించింది. స్టార్ బ్యాటర్ బాబర్ ఆజం జింబాబ్వే పర్యటన నుండి విశ్రాంతి తీసుకున్నారు. అలాగే మహ్మద్ రిజ్వాన్ ఆస్ట్రేలియా మ్యాచ్‌లు, జింబాబ్వే వ‌న్డేల‌కు రెండింటికీ అందుబాటులో ఉంటాడు కానీ టీ20లలో పాల్గొనడు.
పాకిస్థాన్‌లో కమ్రాన్ గులామ్, ఒమైర్ బిన్ యూసుఫ్ మరియు సుఫ్యాన్ మొకిమ్ ముగ్గురు అరంగేట్రం చేయగా, అమీర్ జమాల్, అరాఫత్ మిన్హాస్, ఫైసల్ అక్రమ్, హసీబుల్లా, ముహమ్మద్ ఇర్ఫాన్ ఖాన్ మరియు సైమ్ అయూబ్ తొలిసారిగా వన్డే జట్టులో చేరారు.
ఆస్ట్రేలియాతో వ‌న్డేల‌కు పాక్ జట్టు: అమీర్ జమాల్, అబ్దుల్లా షఫీక్, అరాఫత్ మిన్హాస్, బాబర్ ఆజం, ఫైసల్ అక్రమ్, హరీస్ రవూఫ్, హసీబుల్లా (వికెట్ కీప‌ర్‌), కమ్రాన్ గులామ్, మహ్మద్ హస్నైన్, మహ్మద్ రిజ్వాన్ (కెప్టెన్), ముహమ్మద్ ఇర్ఫాన్ ఖాన్, నసీమ్ షా, సైమ్ అయూబ్ సల్మాన్ అలీ అఘా, షాహీన్ షా ఆఫ్రిది.
ఆస్ట్రేలియాతో టీ20ల‌కు పాక్ జట్టు: అరాఫత్ మిన్హాస్, బాబర్ అజామ్, హరీస్ రవూఫ్, హసీబుల్లా (వికెట్ కీప‌ర్‌), జహందాద్ ఖాన్, మహ్మద్ అబ్బాస్ అఫ్రిది, మహ్మద్ రిజ్వాన్ (కెప్టెన్), ముహమ్మద్ ఇర్ఫాన్ ఖాన్, నసీమ్ షా, ఒమైర్ బిన్ యూసుఫ్, సాహిబ్జాదా అఘాన్, సల్మాన్ అఘాన్, షాహీన్ షా ఆఫ్రిది, సుఫ్యాన్ మొకిమ్, ఉస్మాన్ ఖాన్.
జింబాబ్వేతో వ‌న్డేల‌కు పాక్ జట్టు: అమీర్ జమాల్, అబ్దుల్లా షఫీక్, అబ్రార్ అహ్మద్, అహ్మద్ డానియాల్, ఫైసల్ అక్రమ్, హరీస్ రవూఫ్, హసీబుల్లా (వికెట్ కీప‌ర్‌), కమ్రాన్ గులామ్, మహ్మద్ హస్నైన్, మహ్మద్ రిజ్వాన్ (కెప్టెన్), ముహమ్మద్ ఇర్ఫాన్ అగ్లీ ఖాన్, సలీమ్ అలీ ఖాన్ , షానవాజ్ దహానీ, తయ్యబ్ తాహిర్.
జింబాబ్వేతో టీ20ల‌కు పాక్ జట్టు: అహ్మద్ డానియాల్, అరాఫత్ మిన్హాస్, హరీస్ రవూఫ్, హసీబుల్లా (వికెట్ కీప‌ర్‌), జహందాద్ ఖాన్, మహ్మద్ అబ్బాస్ అఫ్రిది, మహ్మద్ హస్నైన్, ముహమ్మద్ ఇర్ఫాన్ ఖాన్, ఒమైర్ బిన్ యూసుఫ్, ఖాసిం అక్రమ్, సల్మాన్ అఘాన్, సాహిబ్జ్, సాహిబ్జ్ తయ్యబ్ తాహిర్, ఉస్మాన్ ఖాన్.
