Movie News: కల్కి సీక్వెల్ ఎలా ఉంటుందో చెప్పిన నాగ్ అశ్విన్
- ప్రేక్షకుల సహకారంతోనే కల్కి ఓ మైలురాయి లాంటి చిత్రంగా నిలిచిందన్న నాగ్ అశ్విన్
- కల్కి - 2 కి ఇంకా సమయం ఉందని వెల్లడి
- అదొక్కటే రెండు మూడు సినిమాలతో సమానమని వెల్లడించిన నాగ్ అశ్విన్
కల్కి -2 ఒక్కటే రెండు, మూడు సినిమాలతో సమానమని ప్రముఖ దర్శకుడు నాగ్ అశ్విన్ అన్నారు. నిన్న హైదరాబాద్ లో జరిగిన 'అమరన్' మూవీ ప్రీ రిలీజ్ ఈవెంట్‌కు దర్శకుడు నాగ్ అశ్విన్ ముఖ్య అతిధిగా హజరయ్యారు. ఈ సందర్భంగా అభిమానులు కల్కి 2898 ఏడీ సీక్వెల్ అప్ డేట్‌పై ప్రశ్నించారు.
దీనిపై నాగ్ అశ్విన్ స్పందిస్తూ.. ప్రేక్షకుల సహకారంతోనే కల్కి ఓ మైలురాయి లాంటి చిత్రంగా నిలిచిందన్నారు. కల్కి 2 కి ఇంకా సమయం ఉందని, తన తదుపరి మూవీ అదేనని చెప్పారు. అదొక్కటే రెండు మూడు సినిమాలతో సమానం అని నాగ్ అశ్విన్ చెప్పుకొచ్చారు.
