Machilipatnam Medical College: మచిలీపట్నం మెడికల్ కాలేజికి పింగళి వెంకయ్య పేరు
- మచిలీపట్నం ప్రభుత్వ వైద్య కళాశాల పేరు మార్పు
- పేరు మార్పుపై ప్రతిపాదన చేసిన వైద్య విద్య డైరెక్టర్
- జీవో జారీ చేసిన వైద్య ఆరోగ్య, కుటుంబ సంక్షేమ శాఖ ప్రత్యేక ప్రధాన కార్యదర్శి
మచిలీపట్నం మెడికల్ కాలేజీకి భారత త్రివర్ణ పతాక రూపశిల్పి పింగళి వెంకయ్య పేరు పెట్టాలని ఏపీ ప్రభుత్వం నిర్ణయించింది. ఆ మహనీయునికి ఘన నివాళిగా ఇక నుంచి మచిలీపట్నం వైద్య కళాశాలను శ్రీ పింగళి వెంకయ్య గవర్నమెంట్ మెడికల్ కాలేజిగా పిలవనున్నారు. ఈ మేరకు వైద్య ఆరోగ్య, కుటుంబ సంక్షేమ శాఖ ప్రత్యేక ప్రధాన కార్యదర్శి ఎంటీ కృష్ణబాబు జీవో జారీ చేశారు.
మచిలీపట్నం మెడికల్ కాలేజీకి పింగళి వెంకయ్య పేరు పెట్టాలని రాష్ట్ర వైద్య విద్య డైరెక్టర్ నుంచి వచ్చిన ప్రతిపాదనను ఆమోదిస్తూ, ఈ జీవో తీసుకువచ్చారు.
