IIFA: ఐఫా అవార్డులు: తెలుగులో ఉత్తమ నటుడిగా నాని
- అబుదాబిలో ఘనంగా ఐఫా అవార్డుల కార్యక్రమం
- తెలుగులో ఉత్తమ నటుడిగా నాని
- టాలీవుడ్ లో ఉత్తమ దర్శకుడిగా అనిల్ రావిపూడి (భగవంత్ కేసరి)
ఇంటర్నేషనల్ ఇండియన్ ఫిల్మ్ అకాడెమీ అవార్డ్స్ (ఐఐఎఫ్ఏ) వేడుక అబుదాబిలో ఘనంగా నిర్వహిస్తున్నారు. తెలుగు, తమిళం, మలయాళం, కన్నడ చిత్ర పరిశ్రమలకు సంబంధించి ఈ ఐఫా అవార్డుల కార్యక్రమం నిర్వహిస్తున్నారు.
తాజాగా 24వ ఐఫా అవార్డుల్లో... తెలుగులో నాని నటించిన 'దసరా' ఉత్తమ చిత్రం కేటగిరీలో విజేతగా నిలిచింది. తమిళంలో రజనీకాంత్ 'జైలర్', మలయాళంలో '2018: ఎవ్రీవన్ ఈజ్ ఏ హీరో', కన్నడలో దర్శన్ నటించిన 'కాటేరా' ఉత్తమ చిత్రాలుగా నిలిచాయి.
ఉత్తమ నటుడు కేటగిరీలో నాని (దసరా), విక్రమ్ (పొన్నియిన్ సెల్వన్-2), టొవినో థామస్ (2018: ఎవ్రీవన్ ఈజ్ ఏ హీరో), రక్షిత్ శెట్టి (సప్త సాగరదచ్చే ఎల్లో) అవార్డులు అందుకున్నారు.
ఉత్తమ నటి కేటగిరీలో ఐశ్వర్యరాయ్ (పొన్నియిన్ సెల్వన్-2), మృణాల్ ఠాకూర్ (హాయ్ నాన్న), అనస్వర రాజన్ (నేరు), రుక్మిణి వసంత్ (సప్త సాగరదచ్చే ఎల్లో) అవార్డులు అందుకున్నారు.
ఉత్తమ దర్శకుల కేటగిరీలో మణిరత్నం (పొన్నియిన్ సెల్వన్-2), అనిల్ రావిపూడి (భగవంత్ కేసరి), జియో బేబీ (కాదల్: ద కోర్), తరుణ్ కిశోర్ సుధీర్ (కాటేరా) అవార్డులు అందుకున్నారు.
