IT Raids: హైదరాబాద్ లో న్యూస్ చానల్ ఎండీ నివాసంలో ఐటీ సోదాలు.. మరో పదిచోట్ల కూడా..!
--
హైదరాబాద్ లో మంగళవారం ఉదయం ఐటీ దాడులు కలకలం రేపాయి. తెల్లవారుజాము నుంచే ఐటీ అధికారులు సిటీలో మొత్తం పదిచోట్ల సోదాలు చేపట్టారు. ఓ న్యూస్ చానల్ ఎండీ, ఫైనాన్స్ కంపెనీ యజమాని నివాసంలో అధికారులు తనిఖీలు చేస్తున్నారు. కూకట్‌పల్లి రెయిన్ బో విస్టాలో అద్దెకు ఉంటున్న బొల్లా రామకృష్ణ నివాసంలో రైడ్ జరుగుతోంది. బొల్లా రామకృష్ణ ఓ న్యూస్ చానల్ కు ఎండీగా వ్యవహరిస్తున్నారు.
దీంతో పాటు ఆయనకు ఓ ఫైనాన్స్ కంపెనీ కూడా ఉందని సమాచారం. బషీర్ బాగ్‌లోని పైగా ప్లాజాలో ఉన్న ఆయన ఫైనాన్స్ కంపెనీ ఆఫీసులోనూ సోదాలు జరుగుతున్నాయి. సదరు బిల్డింగ్ లోని 2, 3, 4 అంతస్తుల్లోకి ఐటీ అధికారులు ఎవరినీ అనుమతించడంలేదు. దీంతో పాటు మొత్తంగా పదిచోట్ల అధికారులు సోదాలు చేస్తున్నట్లు సమాచారం.
