Jio: జియో నుంచి 'ప్రైమా' సిరీస్‌లో సరికొత్త ఫీచర్ ఫోన్
- జియో ప్రైమా 2 పేరుతో కొత్త మొబైల్‌ను
- జియో ప్రైమా మొబైల్‌కు కొనసాగింపు
- యూపీఐ పేమెంట్స్ చేసుకునే సదుపాయం కూడా
ప్రముఖ టెలికాం సంస్థ రిలయన్స్ జియో తాజాగా కొత్త ఫోన్ను మార్కెట్‌లోకి తీసుకువచ్చింది. గత ఏడాది లాంచ్ చేసిన జియో ప్రైమా మొబైల్‌కు కొనసాగింపుగా జియో ప్రైమా 2 పేరుతో కొత్త ఫోన్ను మార్కెట్‌లో విడుదల చేసింది. పాత ఫోన్‌కు మరిన్ని మెరుగైన ఫీచర్లను జోడించింది. తాజాగా మార్కెట్ లోకి విడుదల చేసిన జియో ప్రైమా 2 మొబైల్లో ఎలాంటి ఫీచర్లు ఉన్నాయి..? దీని ధర ఎంత..? తదితర పూర్తి వివరాలు ఒకసారి పరిశీలిస్తే...
జియో ఫ్రైమా 2 ఫోన్ను 4 జీబీ ర్యామ్, 128 జీబీ స్టోరేజ్‌తో తీసుకొచ్చారు. ఈ ఫోన్ ధరను రూ.2,799గా నిర్ణయించారు. బ్లూ కలర్‌లో ఈ మొబైల్‌ను అందుబాటులోకి తీసుకొచ్చారు. చిన్న ఫీచర్ ఫోన్‌లో ఫ్రంట్ కెమెరాను అందించడం విశేషం. ప్రముఖ ఈ కామర్స్ సంస్థ ఆమెజాన్‌లో ఈ ఫోన్ అందుబాటులోకి వచ్చింది. జియో ప్రైమా 2 మొబైల్ లో 2.4 అంగుళాలతో కూడిన కర్వడ్ స్క్రీన్ ను అందించారు. కీ ప్యాడ్‌తో పని చేసే ఈ మొబైల్లో క్వాల్ కామ్ చిప్ సెట్ ప్రొసెసర్‌ను అందించారు. ఫోన్ లో 2000 ఎంఏహెచ్ వంటి పవర్ ఫుల్ బ్యాటరీని అందించారు.
ఈ మొబైల్ సింగిల్ న్యానో సిమ్‌ను సపోర్టు చేస్తుంది. జియో టీవీ, జియో సినిమా, జియో సావన్ వంటి యాడ్స్‌కు ఈ మొబైల్ సపోర్టు చేస్తుంది. వాట్సాప్, ఫేస్ బుక్ కూడా యాక్సెస్ చేసుకోవచ్చు. 4జీ కనెక్టివిటీకి సపోర్టు చేసే ఈ ఫోన్‌లో 3.5 ఎంఎం ఆడియో జాక్‌ను ఇచ్చారు. ఈ మొబైల్లో యూపీఐ పేమెంట్స్ చేసుకునే సదుపాయం ఏర్పాటు చేయడం మరో విశేషంగా పేర్కొంటున్నారు. ఈ మొబైల్ 23 భాషలకు సపోర్టు చేస్తుంది.
