Balakrishna: హైదరాబాదులో బాలకృష్ణ@50 స్వర్ణోత్సవ వేడుకలు... హాజరైన చిరంజీవి
- 1974లో సినీ కెరీర్ ప్రారంభించిన బాలకృష్ణ
- బాలయ్య సినీ కెరీర్ కు 50 ఏళ్లు పూర్తి
- హైదరాబాదు లో గోల్డెన్ జూబ్లీ ఈవెంట్ కు హాజరైన బాలయ్య దర్శకులు
తెలుగు చిత్రసీమ గర్వించదగ్గ నటుల్లో నందమూరి బాలకృష్ణ ఒకరు. 64 ఏళ్ల వయసులోనూ యాక్షన్ హీరోగా నటిస్తూ, తన సినిమాలను బాక్సాఫీసు దగ్గర బ్లాక్ బస్టర్ హిట్లుగా మలుచుకోవడం బాలయ్య స్పెషాలిటీ. 1974లో ప్రారంభమైన ఆయన కెరీర్ కు 50 ఏళ్లు పూర్తయ్యాయి.
ఈ నేపథ్యంలో, హైదరాబాదులో ఇవాళ బాలకృష్ణ@50 గోల్డెన్ జూబ్లీ వేడుక ప్రారంభమైంది. ఈ కార్యక్రమంలో బాలయ్య బంద్ గలా డ్రెస్ లో మెరిసిపోయారు. ఎప్పట్లాగానే హైఓల్టేజ్ ఎనర్జీతో కనిపించారు. ఈ కార్యక్రమానికి మెగాస్టార్ చిరంజీవి హాజరుకావడం హైలెట్ అని చెప్పాలి.
ఇక, బాలకృష్ణతో సినిమాలు తెరకెక్కించిన దర్శకులు రాఘవేంద్రరావు, కోదండరామిరెడ్డి, బోయపాటి శ్రీను, ఎస్వీ కృష్ణారెడ్డి తదితరులు ఈ స్వర్ణోత్సవ వేడుకలకు హాజరయ్యారు.
