Ayesha Takia: ఫొటో షేర్ చేసిన నాగార్జున హీరోయిన్ అయేషా టకియా.. ఇంకా షాక్‌లోనే అభిమానులు!
- నాగార్జున సినిమా ‘సూపర్’తో తెలుగు తెరకు పరిచయమైన అయేషా టకియా
- ఆ సినిమాకు ఫిలింఫేర్ అవార్డు కూడా అందుకున్న నటి
- ఆ తర్వాత సినిమాలకు దూరం
- కొన్ని సంవత్సరాల తర్వాత సల్మాన్ సినిమా ‘వాంటెడ్’తో మళ్లీ తెరపైకి
- అభిమానులను దిగ్భ్రాంతికి గురిచేస్తున్న లేటెస్ట్ ఫొటో
అక్కినేని నాగార్జున ‘సూపర్’ సినిమాతో 2005లో తెలుగు చిత్రసీమకు పరిచయమైన అయేషా టకియా కుర్రకాళ్ల గుండెలను మెలితిప్పేసింది. ఆ తర్వాత తెలుగు తెరకు ఆమె దూరం జరిగినప్పటికీ అభిమానుల గుండెల్లో నిలిచిపోయింది. ఆ సినిమాకు గాను ఆమె ఫిలింఫేర్ అవార్డు కూడా అందుకుంది. బాలీవుడ్‌లో ఆ తర్వాత కొన్ని సినిమాలు చేసినప్పటికీ పెళ్లి చేసుకుని నటనకు దూరమైంది.
కొన్ని సంవత్సరాల పాటు ఇండస్ట్రీకి దూరమైన అయేషా తాజాగా సల్మాన్‌ఖాన్ యాక్షన్ థ్రిల్లర్ ‘వాంటెడ్’తో మళ్లీ లైమ్‌లైట్‌లోకి వచ్చింది. సోషల్ మీడియాలో యాక్టివ్‌గా ఉండే అయేషా తాజాగా ఇన్‌స్టాగ్రామ్‌లో పంచుకున్న ఓ ఫొటోను చూసి అభిమానులు నిర్ఘాంతపోయారు. ఆ ఫొటోలో ఆమె గుర్తుపట్టలేనంతగా ఉంది. నిజానికి ఆమె అయేషా టకియా అంటే ఎవరూ నమ్మనట్టుగా ఉంది. బంగారం రంగు చీర, పింక్ టోన్‌డ్ మేకప్‌తో ఉన్న ఆ ఫొటో చూసి అందరూ షాకయ్యారు. ఆ వెంటనే ఆ ఫొటో వైరల్ అయింది.
అది చూసి కొందరు ఆమె అయేషా టకియా కాదని కామెంట్ చేశారు. ఆమె ప్లాస్టిక్ సర్జరీ చేసుకుందని, ఆ తర్వాత కూడా ఆమె కనిపించిందని, కాబట్టి ఈ ఫొటోలో ఉన్నది ఆమె కాకపోవచ్చని కొందరు అభిప్రాయపడితే.. ఇది నిజమైన ఫోటేయేనా? అని మరికొందరు ప్రశ్నించారు. ఈ సందర్భంగా అయేషా టకియా సినిమాలను గుర్తు చేసుకున్న అభిమానులు ఆమె నటనను కొనియాడారు. ‘ఆమె నా చిన్నప్పటి క్రష్’ అంటూ రెడిట్ యూజర్ ఒకరు గుర్తు చేసుకున్నారు. ఆమె ఎలా ఉన్నా ఇప్పటికీ తన ఫేవరెటేనని మరో అభిమాని చెప్పుకొచ్చాడు.
