Kajal Agarwal: ఓటీటీ ఫ్లాట్ ఫామ్ పైకి వస్తున్న తెలుగు సినిమాలు!
- ఆగస్టు 1వ తేదీన 'ఆహా'లో 'రక్షణ'
- అదే రోజున ఈటీవీలో 'సత్యభామ' .. 'డియర్ నాన్న'
- ఆగస్టు 3వ తేదీన 'ఆహా'లో 'తెప్పసముద్రం'
- అర్జున్ అంబటి ప్రధాన పాత్రగా సాగే కథ
ఈ వారం తెలుగు ఓటీటీ ఫ్లాట్ ఫామ్ పైకి ఏ సినిమాలు వస్తున్నాయా అనే విషయంలో ప్రేక్షకులు ఆసక్తితో ఉన్నారు. వాళ్లలో మరింత కుతూహలాన్ని పెంచే కంటెంట్ ను వదులుతున్నారు. ఆగస్టు 1వ తేదీన ప్రేక్షకుల ముందుకు 'రక్షణ' సినిమా రానుంది. అంటే రేపటి నుంచి ఈ సినిమా స్ట్రీమింగ్ కానుంది. ప్రణదీప్ ఠాకూర్ దర్శకత్వం వహించిన ఈ సినిమాలో, పోలీస్ ఆఫీసర్ పాత్రలో పాయల్ కనిపించనుంది.
వరుస హత్యలు చేస్తూ వెళుతున్న ఒక సైకోను పట్టుకునే విషయంలో ఒక పోలీస్ ఆఫీసర్ ఎలాంటి సవాళ్లను ఎదుర్కొందనేది కథ. ఓటీటీ వైపు నుంచి ఈ సినిమాకి మంచి రెస్పాన్స్ వచ్చే అవకాశాలు కనిపిస్తున్నాయి. ఇక ఆగస్టు 3వ తేదీన 'తెప్ప సముద్రం' సినిమా ఆడియన్స్ ను పలకరించనుంది. సతీశ్ రాపోలు దర్శకత్వం వహించిన ఈ సినిమాలో, అర్జున్ అంబటి .. చైతన్యరావు .. రవిశంకర్ .. ప్రధానమైన పాత్రలను పోషించారు.
ఇక ఈటీవీ విన్ లో ఆగస్టు 1వ తేదీన 'డియర్ నాన్న' స్ట్రీమింగ్ కానుంది. చైతన్యరావు - సూర్య ప్రధానమైన పాత్రలను పోషించారు. ఇక అదే రోజున కాజల్ 'సత్యభామ' కూడా స్ట్రీమింగ్ కానుంది. పోలీస్ ఆఫీసర్ గా కాల్ నటించిన ఈ సినిమా, ఆల్రెడీ అమెజాన్ ప్రైమ్ లో అందుబాటులో ఉన్న సంగతి తెలిసిందే.
