Karnataka: విద్యార్థితో టీచర్ డ్యాన్స్.. పోక్సో కేసు రద్దుకు హైకోర్టు నిరాకరణ
విద్యార్థితో సన్నిహితంగా డ్యాన్స్ చేసినందుకు కర్ణాటకకు చెందిన ఓ ప్రధాన ఉపాధ్యాయురాలిపై పోక్సో చట్టం కింద నమోదైన కేసును కొట్టేసేందుకు హైకోర్టు నిరాకరించింది. విద్యార్థులతో స్టడీ టూర్ సందర్భంగా సదరు టీచర్ ఈ డ్యాన్స్ చేయడంతో కేసు నమోదైంది. ఈ కేసును కొట్టేయాలంటూ సదరు టీచర్ తొలుత జిల్లా న్యాయస్థానాన్ని ఆశ్రయించారు. అక్కడ చుక్కెదురవడంతో ఆమె హైకోర్టులో పిటిషన్ దాఖలు చేశారు. టూర్ సమయంలో టీచర్ విద్యార్థులందరితో కలివిడిగా ఉన్నారని ఆమె తరపు లాయర్ వాదించారు. ఒక విద్యార్థితో కలిసి డ్యాన్స్ చేసిన ఫొటో ఆధారంగా పోక్సో చట్టం కింద కేసు నమోదు చేయడం సరికాదని అన్నారు. అయితే, కేసును రద్దు చేసేందుకు హైకోర్టు నిరాకరించింది. విచారణను ఆగస్టు 2కు వాయిదా వేసింది.
