Rajasekhar: జూబ్లీహిల్స్‌లో మురుగు నీటి సమస్యపై హీరో రాజశేఖర్ ట్వీట్
- రోడ్డు నెంబర్ 70లో మురుగునీటి సమస్యను పరిష్కరించాలని విజ్ఞప్తి
- జీహెచ్ఎంసీకి ఫిర్యాదు చేసినప్పటికీ పరిష్కారం కాలేదన్న రాజశేఖర్
- సమస్యను పరిష్కరించాలంటూ ట్వీట్
హైదరాబాద్‌లోని జుబ్లీహిల్స్‌లోని రోడ్డు నెంబర్ 70లో మురుగు నీటి సమస్యను పరిష్కరించాలని సినీ నటుడు రాజశేఖర్ ఎక్స్ వేదికగా ట్వీట్ చేశారు. ఇక్కడి అశ్వినీ హైట్స్ నుంచి డ్రైనేజీ లీకేజీ సమస్య ఎప్పటి నుంచో వేధిస్తోందని పేర్కొన్నారు. ఈ సమస్యను పరిష్కరించాలని తాము జీహెచ్ఎంసీకి ఎప్పుడో ఫిర్యాదు చేశామని, కానీ ఇప్పటి వరకు సమస్య పరిష్కారం కాలేదని పేర్కొన్నారు.
ఇప్పటికైనా ఈ సమస్యను పరిష్కరించాలని జీహెచ్ఎంసీ కమిషనర్, జీహెచ్ఎంసీ మేయర్ గద్వాల విజయలక్ష్మి, జీహెచ్ఎంసీ ఆన్‌లైన్‌లను ట్యాగ్ చేస్తూ ట్వీట్ చేశారు. సమస్యను వెంటనే పరిష్కరించాలని కోరారు. ఇందుకు సంబంధించిన ఫొటోను ట్వీట్ చేశారు.
