Air India: అమెరికాకు వెళ్లాల్సిన ఎయిర్ ఇండియా విమానం.. రష్యాకు దారి మళ్లింపు
![Air Indias Delhi San Francisco plane diverted to Russia airline promises alternate flight](https://imgb.ap7am.com/thumbnail/cr-20240719tn6699e48127633.jpg)
న్యూఢిల్లీ నుంచి శాన్ఫ్రాన్సిస్కో బయలుదేరిన ఎయిర్ ఇండియా విమానంలో సాంకేతిక సమస్యలు తలెత్తడంతో దారి మళ్లించాల్సి వచ్చింది. అత్యవసరంగా విమానాన్ని రష్యాలోని క్రాన్సోయార్క్ అంతర్జాతీయ విమానాశ్రయంలో దింపేశారు. ఈ మేరకు ఎయిర్ ఇండియా సోషల్ మీడియాలో ప్రకటించింది. ప్రయాణికులు సిబ్బంది భద్రత దృష్ట్యా ముందుజాగ్రత్త చర్యగా విమానాన్ని రష్యాకు దారి మళ్లించాల్సి వచ్చిందని పేర్కొంది. ప్రయాణికులకు ఇబ్బంది రాకుండా, తదుపరి ఏయే చర్యలు తీసుకోవాలనే దానిపై స్థానిక అధికారుల సాయం తీసుకుంటున్నట్టు తెలిపింది. విమానం క్షేమంగా లాండయ్యిందని, ప్రయాణికుల భద్రతకే తమ మొదటి ప్రాధాన్యతని పేర్కొంది.