Road Accident: గుజరాత్‌లో కలకలం.. 65 మంది ప్రయాణికులతో లోయలో పడ్డ బస్సు
గుజరాత్‌లోని డాంగ్ జిల్లాలో ఆదివారం దారుణం చోటుచేసుకుంది. 65 మంది ప్రయాణికులతో వెళుతున్న ఓ బస్సు మరో వాహనాన్ని ఓవర్ టేక్ చేసే క్రమంలో అదుపు తప్పి లోయలో పడిపోయింది. ఈ ఘటనలో ఇద్దరు చిన్నారులు దుర్మరణం చెందగా పలువురు ప్రయాణికులు గాయాలపాలయ్యారు. సూరత్‌లోని సపుతారా పర్వత ప్రాంతం నుంచి తిరిగొస్తుండగా సాయంత్రం ఐదు గంటల సమయంలో ఈ ప్రమాదం జరిగింది. ఈ ఘటనలో గాయపడ్డ ముగ్గురు ప్రయాణికులకు స్థానిక ప్రైవేటు ఆసుపత్రిలో చికిత్స అందుతోందని పోలీసులు తెలిపారు. మిగిలిన వారిని ఓ కమ్యూనిటీ హెల్త్ సెంటర్‌లో చేర్పించినట్టు తెలియజేశారు.
