Raghunandan Rao: సిద్ధిపేట వేడుకలో పక్కపక్కనే కూర్చున్న రఘునందన్ రావు, హరీశ్ రావు
- సిద్దిపేటలో శివపార్వతుల కల్యాణం
- రఘునందన్ రావు కు శుభాకాంక్షలు తెలిపిన హరీశ్
- కల్యాణం వీక్షించిన బీజేపీ, బీఆర్ఎస్ నేతలు
సిద్దిపేటలో బుధవారం ఆసక్తికర సన్నివేశం చోటు చేసుకుంది. మాజీ మంత్రి, సిద్దిపేట ఎమ్మెల్యే హరీశ్ రావు, ఇటీవల మెదక్ లోక్ సభ స్థానం నుంచి విజయం సాధించిన రఘునందన్ రావు ఒకే కార్యక్రమంలో పాల్గొన్నారు. ఈ సందర్భంగా ఎన్నికల్లో గెలిచిన బీజేపీ నేతకు హరీశ్ రావు శుభాకాంక్షలు తెలిపారు.
ఈరోజు సిద్దిపేటలో శివపార్వతుల కల్యాణం జరిగింది. ఈ వేడుకలో ఇద్దరూ పక్కపక్కనే కూర్చున్నారు. మొదట రఘునందన్ రావు వచ్చారు. ఆ తర్వాత వచ్చిన హరీశ్ రావు... రఘునందన్ రావు కనిపించగానే అభినందనలు తెలిపారు. ఆ తర్వాత ఇద్దరూ పక్కపక్కనే కూర్చొని కల్యాణం వీక్షించారు.
