Chandrababu: తిరుమల చేరుకున్న సీఎం చంద్రబాబు, కుటుంబ సభ్యులు
- నేడు సీఎంగా ప్రమాణస్వీకారం చేసిన చంద్రబాబు
- ఈ సాయంత్రం కుటుంబ సభ్యులతో కలిసి తిరుమల పయనం
- తిరుమలలో చంద్రబాబుకు స్వాగతం పలికిన టీటీడీ అధికారులు
- రేపు ఉదయం 8 గంటలకు శ్రీవారి సేవలో చంద్రబాబు కుటుంబం
ఇవాళ ఏపీ ముఖ్యమంత్రిగా పదవీ ప్రమాణ స్వీకారం చేసిన చంద్రబాబు... ఈ సాయంత్రం తన కుటుంబ సభ్యులతో కలిసి తిరుమల పయనమయ్యారు. కొద్దిసేపటి కిందట తిరుమల చేరుకున్న సీఎం చంద్రబాబు, ఆయన కుటుంబ సభ్యులకు గాయత్రి నిలయం వద్ద టీటీడీ అధికారులు స్వాగతం పలికారు.
చంద్రబాబు కుటుంబం ఈ రాత్రికి తిరుమలలోనే బస చేయనుంది. రేపు ఉదయం 8 గంటలకు చంద్రబాబు, కుటుంబ సభ్యులు శ్రీవారి సేవలో పాల్గొననున్నారు. స్వామివారి దర్శనం అనంతరం ముఖ్యమంత్రి చంద్రబాబు అమరావతికి తిరిగి రానున్నారు. రేపు సాయంత్రం సచివాలయానికి వెళ్లి తన చాంబర్లో సీఎంగా బాధ్యతలు స్వీకరిస్తారు.
