Chiranjeevi: రేపు చంద్రబాబు ప్రమాణ స్వీకారం... ప్రత్యేక విమానంలో ఏపీకి చిరంజీవి
- చిరంజీవితో పాటు భార్య సురేఖ, చిన్నకూతురు శ్రీజ, మనవరాళ్లు
- బేగంపేట విమానాశ్రయం నుంచి గన్నవరం బయలుదేరిన చిరు కుటుంబం
- ప్రముఖులతో గన్నవరం విమానాశ్రయం కిటకిట
చంద్రబాబు ప్రమాణ స్వీకార కార్యక్రమానికి హాజరయ్యేందుకు మెగాస్టార్ చిరంజీవి, ఆయన కుటుంబ సభ్యులు హైదరాబాద్‌లోని బేగంపేట విమానాశ్రయం నుంచి ప్రత్యేక విమానంలో బయలుదేరారు. చిరంజీవితో పాటు భార్య సురేఖ, చిన్న కూతురు శ్రీజ, ఇద్దరు మనవరాళ్లతో కలిసి విజయవాడకు బయలుదేరారు.
టీడీపీ అధినేత చంద్రబాబు రేపు ఉదయం ఆంధ్రప్రదేశ్ ముఖ్యమంత్రిగా ప్రమాణ స్వీకారం చేయనున్నారు. ఈ కార్యక్రమానికి చిరంజీవిని ఏపీ ప్రభుత్వం విశిష్ట అతిథిగా ఆహ్వానించింది. ఈ నేపథ్యంలో చిరంజీవి కుటుంబం ఏపీకి బయలుదేరారు. మరోపక్క, రేపు చంద్రబాబు ప్రమాణ స్వీకారం నేపథ్యంలో గన్నవరం విమానాశ్రయం ప్రముఖులతో కిటకిటలాడుతోంది.
