pappu chaiwala: పప్పూ చాయ్ వాలా.. నెట్ లో అదరగొడుతున్న మరో చాయ్ స్టార్.. వీడియో ఇదిగో!
- గుజరాత్ లోని సూరత్ లో చాయ్ వాలా ఫేమస్
- ‘డాలీ చాయ్ వాలా’ తరహాలో ఆకట్టుకుంటున్నాడని కామెంట్లు
- వీడియోకు ఏకంగా 42 మిలియన్ల వ్యూస్, లక్షల కొద్దీ లైకులు
కొన్నిరోజుల కిందట ‘డాలీ చాయ్ వాలా’ సోషల్ మీడియాలో చాలా ఫేమస్. ఆయనకు సంబంధించిన వీడియోలు విపరీతంగా వైరల్ అయ్యాయి. మైక్రోసాఫ్ట్ వ్యవస్థాపకుడు బిల్ గేట్స్ ఇండియాకు వచ్చినప్పుడు.. ఆ టీ స్టాల్ దగ్గరికి వెళ్లి చాయ్ తాగడం కూడా వైరల్ గా మారింది. అలాంటి మరో చాయ్ వాలా ఇప్పుడు తెరపైకి వచ్చాడు.
గుజరాత్ లోని సూరత్ లో..
- గుజరాత్ లోని సూరత్ లో న్యూసిటీ లైట్ రోడ్ ప్రాంతంలో ఈ పప్పూ చాయ్ వాలా దుకాణం ఉంది. ఆయన పాల ప్యాకెట్లను పైకి ఎగరేస్తూ పట్టుకోవడం.. పాలను దూరం నుంచి గిన్నెలో పోయడం వంటివి మరో యాక్షన్ చాయ్ వాలా అన్న పేరు తెచ్చాయి.
- ఈ చాయ్ వాలా టీ మరీ స్పెషల్ గా కనిపిస్తోంది. పాలల్లో పుదీనా, లెమన్ గ్రాస్ వంటి ఆకులు, అల్లం, టీ పొడి వంటివన్నీ వేసి మరగబెట్టాడు. అందులో చక్కెర, ఇతర పదార్థాలు వేశాడు. చివరికి అవన్నీ వడగట్టి.. టీ సిద్ధం చేశాడు.
- ఇదంతా కూడా ఒక స్టైల్ లో చేస్తూ ఉండటాన్ని వీడియో తీసిన కొందరు ఇన్ స్టాలో పోస్టు చేశారు. ఇది విపరీతంగా వైరల్ గా మారింది.
- ఏకంగా 42 మిలియన్ల వ్యూస్, లక్షల కొద్దీ లైకులు, పెద్ద ఎత్తున కామెంట్లు వస్తున్నాయి.
- ‘ఈ చాయ్ వాలా బిల్ గేట్స్ ను కలవాలని అనుకుంటున్నాడు..’ అని కొందరు. ‘ఈసారి ఏకంగా ఎలన్ మస్క్ వచ్చి టీ తాగుతాడులే..’ అని మరికొందరు కామెంట్లు పెడుతున్నారు.
- ఇక ‘ఈ ఫీల్డ్ లో పోటీ పెరిగిపోయింది. కస్టమర్లను ఆకట్టుకోవడానికి.. స్పెషల్ గా ఏదో ఒకటి చేయాల్సి వస్తోంది’ అని ఇంకొందరు ఆయనను సమర్థిస్తుంటే.. ‘ఏం.. పాల ప్యాకెట్లు, వస్తువులను పైకి ఎగిరేయకపోతే చాయ్ పెట్టడం వీలుకాదా..?’ అని మరికొందరు ఎద్దేవా చేస్తున్నారు.
