Iran President Viral Video: కూలిపోవడానికి ముందు హెలికాప్టర్‌లో ఇరాన్ అధ్యక్షుడు, విదేశాంగ మంత్రి.. వీడియో ఇదిగో!
- అజర్ బైజాన్ సరిహద్దులో డ్యామ్ ప్రారంభించి తిరిగి వస్తుండగా కూలిన హెలికాప్టర్
- మృతుల్లో అధ్యక్షుడు, మంత్రితోపాటు మరో 8 మంది అధికారులు
- 16 గంటల అన్వేషణ తర్వాత శిథిలాల గుర్తింపు
హెలికాప్టర్ కూలిపోయి దుర్మరణం పాలుకావడానికి ముందు విదేశాంగమంత్రితో ఇరాన్ అధ్యక్షుడు ఇబ్రహీం రైసీ ముచ్చటిస్తున్న వీడియో ఒకటి వైరల్ అవుతోంది. ఆదివారం సాయంత్రం అజర్ బైజాన్ సరిహద్దులో ఓ డ్యామ్‌ను ప్రారంభించి వస్తుండగా భారీ వర్షం, పొగమంచు కారణంగా ఏర్పడిన ప్రతికూల వాతావరణంతో హెలికాప్టర్ కుప్పకూలింది. ఈ ఘటనలో అధ్యక్షుడు రైసీ, విదేశాంగ మంత్రి హొసైన్ ఆమిర్-అబ్దొల్లాహియన్‌తోపాటు మరో 8 మంది అధికారులు దుర్మరణం పాలయ్యారు.
హెలికాప్టర్ ఎక్కడానికి ముందు అధికారులతో అధ్యక్షుడు సమావేశమయ్యారు. టేకాఫ్ అయిన 30 నిమిషాల తర్వాత దానితో సంబంధాలు తెగిపోయాయి. దాదాపు 16 గంటల అన్వేషణ తర్వాత హెలికాప్టర్ శిథిలాలను ఓ పర్వత శిఖరంపై గుర్తించారు.
