Allu Arjun: హ్యాపీ బ‌ర్త్‌డే తార‌క్ బావ: అల్లు అర్జున్
- నేడు జూనియర్ ఎన్టీఆర్ 41వ పుట్టిన‌రోజు
- 'ఎక్స్' (ట్విట‌ర్‌) వేదిక‌గా బ‌ర్త్ డే విషెస్ తెలిపిన బ‌న్నీ
- ఇలాంటి పుట్టిన‌రోజు వేడుక‌లు మ‌రెన్నో జ‌రుపుకోవాలంటూ ట్వీట్
నేడు (సోమ‌వారం) 41వ పుట్టిన‌రోజు సంద‌ర్భంగా జూనియర్ ఎన్‌టీఆర్‌కు సీని ఇండ‌స్ట్రీకి చెందిన ప్ర‌ముఖులు పుట్టిన రోజు శుభాకాంక్ష‌లు తెలియ‌జేస్తున్నారు. తాజాగా ఐకాన్ స్టార్ అల్లు అర్జున్ 'ఎక్స్' (ట్విట‌ర్‌) వేదిక‌గా బ‌ర్త్ డే విషెస్ తెలిపాడు. 'హ్యాపీ బ‌ర్త్‌డే తార‌క్ బావ.. ఇలాంటి పుట్టిన‌రోజు వేడుక‌లు మ‌రెన్నో జ‌రుపుకోవాలి' అని ట్వీట్ చేశాడు. అలాగే నిన్న దేవర మూవీ నుంచి విడుద‌లైన ఫియ‌ర్ సాంగ్‌ను ఉద్దేశించి.. 'FEAR is FIRE' అని రాసుకొచ్చాడు.
ఇక తార‌క్ సినిమాల విష‌యానికి వ‌స్తే.. కొర‌టాల శివ‌తో దేవర చేస్తున్న ఎన్టీఆర్.. ఈ ఏడాది బాలీవుడ్‌లోనూ అడుగు పెడుతున్నాడు. హృతిక్ రోష‌న్‌తో క‌లిసి వార్‌-2లో న‌టిస్తున్నాడు. ఇక దేవర చిత్రం రెండు పార్టులుగా రానుంద‌ని స‌మాచారం. ద‌స‌రా కానుక‌గా పార్ట్‌-1 విడుద‌ల కానుంది. దీనిలో భాగంగా ఆదివారం విడుద‌లైన ఫియ‌ర్ సాంగ్ కూడా అభిమానుల‌ను అల‌రిస్తోంది.
కోలీవుడ్ యంగ్ మ్యూజిక్ సెన్సేష‌న్ అనిరుధ్ రవిచందర్ బాణీలు అందించిన ఈ మూవీ ఆడియోపై యంగ్ టైగ‌ర్ అభిమానులు భారీ అంచ‌నాలు పెట్టుకున్నారు. అటు కొర‌టాల, తాక‌ర్ కాంబోలో ఇప్ప‌టికే జ‌న‌తా గ్యారెజ్ లాంటి బ్లాక్‌బ‌స్ట‌ర్ ఉండ‌డంతో దేవ‌ర‌పై భారీ అంచ‌నాలు ఉన్నాయి.
ఎన్టీఆర్ ఆర్ట్స్, యువసుధ ఆర్ట్స్ బ్యానర్లపై తెరకెక్కుతున్న దేవర మూవీలో తార‌క్‌కు జోడిగా బాలీవుడ్ భామ జాన్వీ కపూర్ న‌టిస్తోంది. బాలీవుడ్ నటుడు సైఫ్ అలీ ఖాన్ విలన్ గా చేస్తున్నాడు. ప్రకాశ్ రాజ్, శ్రీకాంత్, షీనే టామ్ చాకో ఇత‌ర కీలక పాత్రల్లో న‌టిస్తున్నారు.
