Hyderabad Book Fair: నేటి నుంచి హైదరాబాద్‌లో 36వ జాతీయ పుస్తక ప్రదర్శన
- ఈ నెల 19 వరకూ జరగనున్న బుక్‌ఫెయిర్
- నగరంలోని తెలంగాణ కళాభారతిలో (ఎన్టీఆర్ స్టేడియం) పుస్తక ప్రదర్శన ఏర్పాటు
- బుక్‌ఫెయిర్‌ను ప్రారంభించనున్న మంత్రి జూపల్లి కృష్ణారావు
- మీడియా సమావేశంలో బుక్‌ఫెయిర్ వివరాలు వెల్లడించిన అధ్యక్షుడు జూలూరు గౌరీశంకర్
పుస్తక ప్రియులు ఎప్పుడెప్పుడా అని ఎదురు చూస్తున్న తరుణం రానే వచ్చింది. హైదరాబాద్‌లోని తెలంగాణ కళాభారతిలో (ఎన్టీఆర్ స్టేడియం) నేటి నుంచి ఈ నెల 19 వరకూ..36వ హైదరాబాద్ జాతీయ పుస్తక ప్రదర్శన జరగనుంది. ఈ మేరకు బుక్ ఫెయిర్ అధ్యక్షుడు జూలూరు గౌరీశంకర్ తెలిపారు. గురువారం పుస్తక ప్రదర్శన ప్రాంగణంలో ఆయన మీడియాతో మాట్లాడారు. ఈ కార్యక్రమాన్ని మంత్రి జూపల్లి కృష్ణారావు ప్రారంభిస్తారని చెప్పారు. 10 నుంచి 18వ తేదీ వరకూ పలు సాహిత్య, సాంస్కృతిక కార్యక్రమాలు జరుగుతాయని కూడా చెప్పారు. మొత్తం 365 స్టాళ్లలో అన్ని భాషలకు చెందిన లక్షల పుస్తకాలు అందుబాటులో ఉంటాయన్నారు.
