Poonam Pandey: తెలుగులోనూ ఓ సినిమాలో నటించిన పూనమ్ పాండే
- గర్భాశయ క్యాన్సర్ తో కన్నుమూసిన పూనమ్ పాండే
- పూనమ్ పాండే వయసు 32 ఏళ్లు
- గతంలో సామ్రాట్ సరసన తెలుగులో నటించిన పూనమ్ పాండే
ప్రముఖ మోడల్, నటి పూనమ్ పాండే గర్భాశయ క్యాన్సర్ తో మరణించారు. ఇన్ స్టాగ్రామ్ లో ఆమె ఫొటోలు, వీడియోలు రసికులను అలరించేలా వేరే లెవెల్లో ఉంటాయి. సినిమాల కంటే ఫొటో షూట్లతోనే ఆమె చాలా బిజీగా ఉంటారు. ఏమైనా గానీ, క్యాన్సర్ తో పూనమ్ పాండే మృతి చెందారన్న వార్త అందరినీ దిగ్భ్రాంతికి గురిచేసింది. 32 ఏళ్ల వయసుకే ఆమె కన్నుమూయడం అభిమానులను తీవ్ర విషాదానికి గురిచేస్తోంది.
కాగా, పూనమ్ పాండే గతంలో ఓ తెలుగు సినిమాలోనూ నటించారు. ఆ సినిమా పేరు 'మాలిని అండ్ కో'. ఈ సినిమాలో 'బిగ్ బాస్' ఫేమ్ సామ్రాట్ హీరో. ఈ చిత్రం 2015లో వచ్చింది. ఆ తర్వాత పూనమ్ పాండే మళ్లీ తెలుగులో నటించలేదు. ఆమె 2013లో 'నషా' అనే బాలీవుడ్ చిత్రంతో సినీ కెరీర్ ప్రారంభించారు. బాలీవుడ్ లోనూ ఆమె నటించిన చిత్రాలు తక్కువే.
