Pakistan: టీమిండియాతో వరల్డ్ కప్ మ్యాచ్ కోసం అహ్మదాబాద్ చేరుకున్న పాకిస్థాన్ జట్టు... వీడియో ఇదిగో!
- వరల్డ్ కప్ లో ఈ నెల 14న దాయాదుల సమరం
- భారత్-పాక్ పోరు కోసం ఆసక్తిగా ఎదురుచూస్తున్న క్రికెట్ ప్రపంచం
- రేపు అహ్మదాబాద్ చేరుకోనున్న టీమిండియా
వరల్డ్ కప్ లో అక్టోబరు 14న టీమిండియా, పాకిస్థాన్ మధ్య కీలక మ్యాచ్ జరగనుంది. ఈ మ్యాచ్ కోసం యావత్ క్రికెట్ ప్రపంచం ఎదురుచూస్తోందనడంలో సందేహంలేదు. పైగా, ఈ మ్యాచ్ కు అహ్మదాబాద్ లోని నరేంద్ర మోదీ స్టేడియం వేదికగా నిలుస్తోంది. 1.32 లక్షల సీటింగ్ కెపాసిటీ ఉన్న ఈ స్టేడియం దాయాదుల సమరం నేపథ్యంలో పూర్తిగా నిండిపోనుంది. ఈ నేపథ్యంలో, పాకిస్థాన్ జట్టు అహ్మదాబాద్ చేరుకుంది. నిన్న హైదరాబాదులో శ్రీలంకతో మ్యాచ్ ఆడిన పాకిస్థాన్ జట్టు... ఇవాళ అహ్మదాబాద్ లో అడుగుపెట్టింది. ఇక, ఢిల్లీలో నేడు ఆఫ్ఘనిస్థాన్ తో మ్యాచ్ ఆడుతున్న టీమిండియా కూడా రేపు అహ్మదాబాద్ చేరుకోనున్నట్టు తెలుస్తోంది.
