Sonia Gandhi: మహిళా రిజర్వేషన్ బిల్లుపై సోనియాగాంధీ కీలక వ్యాఖ్యలు
- మహిళా రిజర్వేషన్ బిల్లు తమదే అన్న సోనియా
- ఈ బిల్లు తమ కల అని వ్యాఖ్య
- బిల్లు కోసం కాంగ్రెస్ ఎప్పటి నుంచో పట్టుబడుతోందన్న సోనియా
ఎన్నో ఏళ్లుగా యావత్ దేశం ఎదురు చూస్తున్న మహిళా రిజర్వేషన్ బిల్లు ఇంతవరకు పార్లమెంటులో ఆమోదానికి నోచుకోలేదు. ఇప్పటి వరకు పలుమార్లు పార్లమెంటులో ఈ బిల్లును ప్రవేశపెట్టినప్పటికీ... పూర్తి స్థాయి మెజార్టీ లభించక అన్నిసార్లు బిల్లు వీగిపోయింది. ఈసారి అ బిల్లు గట్టెక్కే అవకాశాలు ఉన్నాయి. నిన్న పార్లమెంటు ప్రత్యేక సమావేశాలు ప్రారంభమయ్యాయి. తొలిరోజు సమావేశాలు ముగిసిన తర్వాత ప్రధాని మోదీ అధ్యక్షతన కేబినెట్ భేటీ అయింది. ఈ భేటీలో చట్టసభల్లో మహిళలకు 33 శాతం రిజర్వేషన్ కల్పించే బిల్లుకు ఆమోదం తెలిపారు. విపక్షాలు కూడా ఈ బిల్లును స్వాగతిస్తుండటంతో... ఈసారి ఈ బిల్లు ఉభయసభల ఆమోదం పొందే అవకాశాలు కనిపిస్తున్నాయి.
