YS Jagan: సీఎం జగన్‌కు వైద్య పరీక్షలు
- కొన్ని రోజులుగా కాలి మడమ నొప్పితో బాధపడుతున్న సీఎం జగన్
- సోమవారం విజయవాడలోని ఓ డయాగ్నస్టిక్ సెంటర్‌లో పరీక్షలు
- ఎమ్మారైతో పాటూ వివిధ రకాల పరీక్షలు చేయించుకున్నట్టు సమాచారం.
- పరీక్షల సందర్భంగా జగన్ వెంటే ఆయన భార్య
- పరీక్షల అనంతరం మధ్యాహ్నం మూడు గంటలకు క్యాంప్ కార్యాలయానికి వెళ్లిన సీఎం
కొన్ని రోజులుగా కాలి మడమ నొప్పితో బాధపడుతున్న ఏపీ ముఖ్యమంత్రి జగన్మోహన్ రెడ్డి సోమవారం వైద్య పరీక్షలు చేయించుకున్నారు. విజయవాడలోని ఓ డయాగ్నస్టిక్ ల్యాబ్‌లో ఈ పరీక్షలు చేయించుకున్నారు. నిన్న మధ్యాహ్నం ఒంటిగంట సమయంలో మొగల్రాజపురంలోని ఓ డయాగ్నొస్టిక్ సెంటర్‌కు వెళ్లారు.
ఎమ్మారై స్కాన్‌తో పాటూ ఆయన వివిధ రకాల పరీక్షలు చేయించుకున్నట్టు తెలుస్తోంది. ల్యాబ్‌లో ఆయన సుమారు రెండు గంటలపాటు ఉన్నట్టు సమాచారం. ఈ సందర్భంగా జగన్ వెంట ఆయన భార్య భారతి రెడ్డి కూడా ఉన్నారు. పరీక్షల అనంతరం జగన్ మూడు గంటలకు తాడేపల్లిలోని క్యాంప్ కార్యాలయానికి వెళ్లారు.
