Actor Vijay: విజయ్, ధోనీ కాంబినేషన్ లో సినిమా?
- వెంకట్ ప్రభు దర్శకత్వంలో విజయ్ తదుపరి చిత్రం
- ఈ సినిమాలో ధోనీ కీలక పాత్ర పోషించబోతున్నట్టు ప్రచారం
- అధికారికంగా వెలువడాల్సి ఉన్న ప్రకటన
తమిళనాడులో హీరో విజయ్ అంటే క్రేజ్ మామూలుగా ఉండదు. ఆయన సినిమాలకు సంబంధించిన అప్ డేట్స్ కోసం అభిమానులు ఎంతగానో ఎదురు చూస్తుంటారు. సినిమా విడుదల సమయంలో వారు చేసే సందడి ఓ రేంజ్ లో ఉంటుంది. మరోవైపు విజయ్ అప్ కమింగ్ మూవీకి సంబంధించిన ఒక వార్త వైరల్ అవుతోంది.
వెంకట్ ప్రభు దర్శకత్వంలో విజయ్ తదుపరి చిత్రం తెరకెక్కబోతోంది. ఈ సినిమాలో టీమిండియా మాజీ కెప్టెన్ ధోనీ ఒక కీలకపాత్రను పోషించబోతున్నట్టు తమిళ మీడియాలో వార్తలు వస్తున్నాయి. ఈ నేపథ్యంలో విజయ్, ధోనీ కలిసి దిగిన ఒక ఫొటో సోషల్ మీడియాలో వైరల్ అవుతోంది. అయితే దీనికి సంబంధించి ఎలాంటి అధికార ప్రకటన వెలువడకపోయినా... విజయ్, ధోనీ ఫ్యాన్స్ మాత్రం ఖుషీ అవుతున్నారు.
