Vaishnavi Chaitanya: 70 కోట్ల మార్కును దాటేసిన 'బేబి'
- ఈ నెల 14న విడుదలైన 'బేబి'
- మొదటి వారంలోనే 50 కోట్ల వసూళ్లు
- 12 రోజుల్లో 71.6 కోట్ల గ్రాస్
- 100 కోట్ల చేరువలోకి వెళుతున్న సినిమా
ఈ మధ్య కాలంలో యూత్ ను ఒక ఊపు ఊపేసిన సినిమా 'బేబి' అని చెప్పాలి. ఈ నెల 14వ తేదీన థియేటర్లలోకి అడుగుపెట్టిన ఈ సినిమా, మొదటి రోజునే సక్సెస్ టాక్ తెచ్చుకుంది. ట్రైయాంగిల్ లవ్ స్టోరీగా సాగిన ఈ సినిమా, యూత్ కి బాగా కనెక్ట్ అయింది. దాంతో మొదటి రోజు నుంచి వసూళ్ల వర్షం కురుస్తూనే ఉంది.
మొదటి వారాంతానికి ఈ సినిమా 50 కోట్ల వరకూ రాబడుతుందని అనుకుంటే, రెండు రోజుల ముందుగానే ఆ మార్క్ ను టచ్ చేసింది. ఈ సినిమా విడుదలై నిన్నటితో 12 రోజులు అయింది. ఈ 12 రోజుల్లో ఈ సినిమా 70 కోట్ల మార్కును దాటేసింది. 71.6 కోట్ల గ్రాస్ ను వసూలు చేసింది.
ఈ వారం కొత్తగా థియేటర్లకు 'బ్రో' సినిమా వస్తోంది. అందువలన 'బేబి' వసూళ్లపై ప్రభావం చూపించే అవకాశం ఉంది. ఈ లోగా మరో 10 కోట్లను రాబట్టేసి, 'బ్రో'ను కాస్త తట్టుకుని నిలబడితే మాత్రం, 'బేబి' 100 కోట్ల మార్కును టచ్ చేసే అవకాశాలు మరింత దగ్గరవుతాయి. చూడాలి మరి 'బేబి' మేజిక్కు ఎంతవరకూ పనిచేస్తుందనేది.
