Sitara: యాడ్ కు కళ్లు చెదిరే రెమ్యునరేషన్ తీసుకున్న మహేశ్ బాబు కూతురు సితార
- అప్పుడే పెద్ద సెలబ్రిటీ స్టేటస్ ను సాధించిన సితార
- తాజాగా ఒక జ్యువెలరీ యాడ్ లో నటించిన మహేశ్ కూతురు
- ఈ యాడ్ కు రూ. కోటి రెమ్యునరేషన్ తీసుకున్నట్టు సమాచారం
టాలీవుడ్ సూపర్ స్టార్ మహేశ్ బాబు కుమార్తె సితార అప్పుడే ఒక పెద్ద సెలెబ్రిటీ స్టేటస్ ను, సోషల్ మీడియాలో ఫ్యాన్ ఫాలోయింగ్ ను సాధించింది. ఇన్స్టాగ్రామ్ లో ఆమెకు దాదాపు 1 మిలియన్ ఫాలోయర్లు ఉన్నారు. ఇటీవలే సితార ఒక జ్యువెలరీ కంపెనీ కమర్షియల్ యాడ్ లో నటించింది. ఈ యాడ్ ను న్యూయార్క్ టైమ్స్ స్క్వేర్ లోని బిల్ బోర్డుపై కూడా ప్రదర్శించారు.
మరోవైపు ఈ యాడ్ కు సితార ఎంత రెమ్యునరేషన్ తీసుకుందనే చర్చ కూడా జరుగుతోంది. సదరు జ్యువెలరీ సంస్థ సితారకు కోటి రూపాయల రెమ్యునరేషన్ ఇచ్చిందని చెపుతున్నారు. చాలా మంది హీరోయిన్లకు కూడా ఇంత రెమ్యునరేషన్ ఉండదనే విషయం తెలిసిందే.
