Kamal Haasan: శంకర్ కు ఖరీదైన బహుమతిని ఇచ్చిన కమలహాసన్
- కమల్, శంకర్ కాంబినేషన్ లో తెరకెక్కుతున్న 'భారతీయుడు 2'
- మేజర్ సీన్స్ చూసి సంతృప్తిని వ్యక్తం చేసిన కమలహాసన్
- శంకర్ కు రూ. 8 లక్షల విలువైన వాచ్ బహూకరణ
గతంలో వచ్చిన కమలహాసన్ 'భారతీయుడు' చిత్రం ఘన విజయం సాధించిన సంగతి తెలిసిందే. ఈ చిత్రానికి సీక్వెల్ గా దర్శకుడు శంకర్ 'భారతీయుడు 2' చిత్రాన్ని తెరకెక్కిస్తున్నారు. ఈ చిత్రంలో కాజల్, రకుల్ ప్రీత్ సింగ్, సిద్ధార్థ్, బాబీ సింహా తదితరులు కీలక పాత్రలను పోషిస్తున్నారు. ప్రస్తుతం ఈ సినిమా చిత్రీకరణ చివరి దశలో ఉంది. ఈ చిత్రంలోని మేజర్ సీన్స్ చూసిన కమలహాసన్ సంతృప్తిని వ్యక్తం చేశారు. అంతేకాదు శంకర్ కు ఖరీదైన వాచ్ ను గిఫ్ట్ గా ఇచ్చారు. ఈ వాచ్ ధర సుమారు రూ. 8 లక్షలు ఉంటుందని చెపుతున్నారు. కమల్ తనకు గిఫ్ట్ ఇవ్వడంపై శంకర్ ఆనందాన్ని వ్యక్తం చేశారు. తన మనసు ఆనందంతో నిండిపోయిందని వ్యాఖ్యానించారు. మరోవైపు రామ్ చరణ్, కియారా అద్వానీ కాంబినేషన్లో శంకర్ మరో చిత్రాన్ని తెరకెక్కిస్తున్న సంగతి తెలిసిందే.
