Nandamuri Mokshagna: బాలకృష్ణ తనయుడు ఎలా మారిపోయాడో చూడండి!
- గతంలో బొద్దుగా కనిపించిన నందమూరి మోక్షజ్ఞ
- ఇప్పుడు గుర్తుపట్టలేనంత నాజూకుగా బాలయ్య వారసుడు
- త్వరలో సినీ అరంగేట్రం అంటూ వార్తలు
టాలీవుడ్ అగ్రనటుల్లో చాలామంది తమ వారసులను బరిలో దించారు. అయితే, నందమూరి బాలకృష్ణ తనయుడు మోక్షజ్ఞ ఎంట్రీపై ఇప్పటిదాకా స్పష్టత లేదు. ఎందుకంటే... మోక్షజ్ఞ బాగా బొద్దుగా కనిపిస్తుండడం, సినిమాల్లోకి వచ్చే ఉద్దేశం లేదేమో అన్న అభిప్రాయాలు వినిపించాయి. బాలకృష్ణ కూడా తన వారసుడికి సంబంధించిన టాపిక్ ను ఎప్పుడూ తీసుకురాలేదు.
అయితే, తాజాగా సోషల్ మీడియాలో మోక్షజ్ఞ ఫొటోలు అందరినీ ఆశ్చర్యానికి గురిచేస్తున్నాయి. అందరికీ తెలిసిన మోక్షజ్ఞ బొద్దుగా ఉంటాడు... కానీ ఈ కొత్త మోక్షజ్ఞ స్లిమ్ లో అదరగొడుతున్నాడు. అతడే మోక్షజ్ఞ అని చెబితే తప్ప గుర్తుపట్టలేనంత నాజూగ్గా తయారయ్యాడు.
త్వరలోనే బాలయ్య వారసుడి సినీ ఎంట్రీ ఉండొచ్చని, అందుకే ఈ వెయిట్ లాస్ అని ప్రచారం జరుగుతోంది. గతంలో బాలకృష్ణ-సింగీతం కాంబోలో వచ్చిన ఆదిత్య 369 ఎంత పెద్ద హిట్టో ప్రత్యేకంగా చెప్పనక్కర్లేదు. ఇప్పుడా సినిమాకు సీక్వెల్ లో మోక్షజ్ఞే హీరో అన్న వార్తలు వినిపిస్తున్నాయి.
