Andhra Pradesh: రోడ్డు ప్రమాదం.. టీడీపీ మాజీ ఎమ్మెల్యేకు తీవ్ర గాయాలు
- హైదరాబాద్ వెళుతుండగా మాజీ ఎమ్మెల్యే కందుల నారాయణరెడ్డికి రోడ్డు ప్రమాదం
- మార్కాపురం నుంచి బయలుదేరిన మాజీ ఎమ్మెల్యే
- యర్రగొండపాలెం సమీపంలో గురిజెపల్లి మూలమలుపు వద్ద కారు బోల్తా
- తీవ్ర గాయాలపాలైన నారాయణరెడ్డికి స్థానిక ఆసుపత్రిలో ప్రాథమిక చికిత్స
- మెరుగైన వైద్యం కోసం హైదరాబాద్‌కు తరలింపు
ప్రకాశం జిల్లా మార్కాపురం టీడీపీ ఇన్‌చార్జ్, మాజీ ఎమ్మెల్యే కందుల నారాయణ రెడ్డి రోడ్డు ప్రమాదంలో తీవ్ర గాయాలపాలయ్యారు. మార్కాపురం నుంచి హైదరాబాద్ వెళుతుండగా ఈ ప్రమాదం జరిగింది. యర్రగొండపాలెం సమీపంలోని గురిజేపల్లి మూలమలుపు వద్ద కారు బోల్తా పడటంతో నారాయణ రెడ్డి తీవ్రంగా గాయపడ్డారు.
యర్రగొండపాలెంలోని ఓ ప్రైవేటు ఆసుపత్రిలో ప్రాథమిక చికిత్స అనంతరం, ఆయనను మెరుగైన వైద్యం కోసం హైదరాబాద్‌కు తరలించారు. ఈ ప్రమాదంలో ఆయన కారు డ్రైవర్ కూడా స్వల్పంగా గాయపడ్డారు.
