Bhumika: నన్ను మోసం చేశారు.. లేకపోతే ఇప్పుడు నా పరిస్థితి మరోలా ఉండేది: భూమిక
- తొలి చిత్రం 'తేరే నామ్' విజయంతో మంచి అవకాశాలు వచ్చాయన్న భూమిక
- ఆ తర్వాత పెద్ద సినిమా నుంచి తనను, హీరోను తప్పించారని ఆవేదన
- 'జబ్ వీ మెట్'లో తనను తీసేసి కరీనాను తీసుకున్నారని వెల్లడి
సినీ పరిశ్రమ అంటే కేవలం రంగుల ప్రపంచమే కాదు. మాయా ప్రపంచం కూడా. ఎంతో మంది ఎన్నో రకాల ఇబ్బందులను ఎదుర్కొంటుంటారు. కొందరికి క్యాస్టింగ్ కౌచ్ రూపంలో వేధింపులు ఎదురవుతుంటాయి. మరి కొందరికి అవకాశాల పరంగా, ఆర్థిక పరంగా ఇబ్బందులు ఎదురవుతుంటాయి. ప్రముఖ నటి భూమికా చావ్లా కూడా తాను మోసపోయినట్టు తాజాగా ఇచ్చిన ఒక ఇంటర్వ్యూలో తెలిపింది. 'తేరే నామ్' చిత్రంతో తాను హిందీలో తొలి చిత్రం చేశానని... ఆ సినిమా విజయం సాధించడంతో తనకు మంచి అవకాశాలు రావడం మొదలయ్యాయని చెప్పింది.
