Allu Ramesh: టాలీవుడ్ కమెడియన్ అల్లు రమేశ్ కన్నుమూత

• వైజాగ్ లో గుండెపోటుతో మృతి చెందిన అల్లు రమేశ్
• సంతాపం ప్రకటిస్తున్న సినీ ప్రముఖులు
• 'సిరిజల్లు' సినిమాతో సినీ రంగంలోకి ప్రవేశించిన రమేశ్

---

తెలుగు సినీ పరిశ్రమలో మరో విషాదం చోటుచేసుకుంది. కమెడియన్ అల్లు రమేశ్ ఈరోజు హఠాన్మరణం చెందారు. విశాఖలో గుండెపోటుతో మృతి చెందారు. ఈ విషయాన్ని యువ దర్శకుడు ఆనంద్‌ రవి సోషల్ మీడియా వేదికగా వెల్లడించారు. ఆయన మృతిపై పలువురు సినీ ప్రముఖులు సంతాపాన్ని ప్రకటించారు. 
హీరోగానే అల్లు రమేశ్ సినిమాల్లోకి ఎంట్రీ ఇచ్చారు. ఆయన తొలి చిత్రం 'సిరిజల్లు'. ఈ సినిమాలో నలుగురు హీరోలు ఉండగా అల్లు రమేశ్ వారిలో ఒకరు. ఆ తర్వాత ఎన్నో చిత్రాల్లో కమెడియన్ గా నటించారు. దిల్ రాజు నిర్మించిన 'కేరింత' చిత్రంలో నూకరాజుకు తండ్రిగా నటించారు. ఇటీవల విడుదలైన 'నెపోలియన్' చిత్రంలో కూడా కీలక పాత్రను పోషించారు. వెబ్ సిరీస్ లో సైతం ఆయన నటించారు.