Pooja Hegde: 'ఎల్లో'రా శిల్పంలా పూజ హెగ్డే.. లేటెస్ట్ పిక్స్ ఇవిగో!
- యూత్ లో పూజ హెగ్డేకి మంచి క్రేజ్
- భారీ ఫ్లాపులు వచ్చినా కెరియర్ పై పడని ప్రభావం
- రిలీజ్ కి రెడీ అవుతున్న 'కిసీ కా భాయ్ కిసీ కి జాన్'
- పూజ ఆశలన్నీ ఈ సినిమాపైనే
మంచి హైటూ .. అందుకు తగిన ఆకర్షణీయమైన రూపం పూజ హెగ్డే సొంతం. ఆమె నాజూకుదనానికి కుర్రాళ్లంతా ఫిదా అయ్యారు. తెలుగులో 'దువ్వాడ జగన్నాథం' చేసిన దగ్గర నుంచి కెరియర్ పరంగా ఆమె ఇంతవరకూ వెనుదిరిగి చూసుకున్నది లేదు. ఆ సినిమా నుంచి వరుస హిట్లను తన ఖాతాలో వేసుకుంటూ ఆమె దూసుకుపోయింది.
అయితే తన ప్లానింగ్ ప్రకారమే ఆమె 'రాధేశ్యామ్' .. 'బీస్ట్' .. 'ఆచార్య' సినిమాలను ఒప్పుకుంది. కానీ కొన్ని కారణాల వలన ఆ సినిమాలు చాలా తక్కువ గ్యాపులో ఒకదాని తరువాత ఒకటిగా థియేటర్లకు వచ్చాయి. ఆ సినిమాలు ఫ్లాప్ కావడం ఆమెని తీవ్రమైన నిరాశకు గురిచేశాయి. అయినా ఆమె క్రేజ్ కీ .. ప్లేస్ కి ఢోకా లేకపోవడం విశేషం. 
ప్రస్తుతం 'కిసీ కా భాయ్ కిసీ కి జాన్' హిందీ సినిమా పైనే ఆమె ఆశలు పెట్టుకుంది. ఈ నెల 21వ తేదీన ఈ సినిమా ప్రపంచవ్యాప్తంగా విడుదల కానుంది. ఈ నేపథ్యంలోనే పూజ హెగ్డే లేటెస్ట్ పిక్స్ వదిలారు. లెమన్ ఎల్లో కలర్ డ్రెస్ లో ఆమె ఎల్లోరా శిల్పంలా మెరిసిపోతోంది. మత్తుకళ్లతో మనసులను కొల్లగొడుతోంది. స్వీట్ స్మైల్ తో కుర్రాళ్ల గుండె గోడలపై తన పోస్టర్ ను అంటించేస్తోంది.
