nandamuri kalyanram: తాతగారి స్థాయి నాకు సాధ్యం కాదు: నందమూరి కల్యాణ్ రామ్
- తాతగారితో తనను పోల్చవద్దన్న నటుడు
- ఉత్తమ నటుడిగా చెన్నై కళాసుధ తెలుగు అసోసియేషన్ నుంచి పురస్కారం
- మాజీ గవర్నర్ నరసింహన్, అలీ, గాయని సుశీల తదితరుల హాజరు
నందమూరి కల్యాణ్ రామ్ ఉత్తమ నటుడిగా అవార్డు అందుకున్నారు. చెన్నైలోని కళాసుధ తెలుగు అసోసియేషన్ ఆధ్వర్యంలో 25వ తెలుగు ఉగాది పురస్కారాల కార్యక్రమం చెన్నైలోని రాయపేటలో బుధవారం జరిగింది. ఎంతో మంది నటీనటులు, ఇతర ప్రముఖులు ఈ కార్యక్రమానికి హాజరయ్యారు. ఉత్తమ నటి అవార్డు సమంతను వరించింది. సమంత బంధువులు అవార్డును స్వీకరించారు. ఉత్తమ చిత్రం అవార్డును ‘బింబిసార’ బృందానికి అందించారు.
