Kiran Abbavaram: మాస్ బీట్ తో అదరగొట్టేస్తున్న కిరణ్ అబ్బవరం!
- మైత్రీ బ్యానర్లో రూపొందిన 'మీటర్'
- కిరణ్ అబ్బవరం జోడీగా మెరవనున్న అతుల్య రవి
- సంగీతాన్ని అందించిన సాయికార్తీక్
- ఏప్రిల్ 7వ తేదీన సినిమా రిలీజ్
కిరణ్ అబ్బవరం హీరోగా ఆయన నుంచి రావడానికి 'మీటర్' సినిమా రెడీ అవుతోంది. మైత్రి మూవీ మేకర్స్ - క్లాప్ వారు నిర్మించిన ఈ సినిమాకి రమేశ్ దర్శకత్వం వహించాడు. పోలీస్ ఆఫీసర్ గా కిరణ్ అబ్బవరం నటించిన ఈ సినిమాతో, తెలుగు తెరకి అతుల్య రవి కథానాయికగా పరిచయమవుతోంది.
కొంతసేపటి క్రితం ఈ సినిమా నుంచి ఒక లిరికల్ సాంగును రిలీజ్ చేశారు. 'చమ్మక్ చమ్మక్ పోరి .. న ధడకు ధడకు నారి' అంటూ ఈ పాట సాగుతోంది. సాయికార్తీక్ స్వరపరిచిన ఈ పాటకు బాలాజీ సాహిత్యాన్ని అందించగా, అరుణ్ కౌండిన్య - గాయత్రి ఆలపించారు. భాను కొరియోగ్రఫీ ఆకట్టుకుంటోంది.
ఏప్రిల్ 7వ తేదీన ఈ సినిమా ప్రేక్షకుల ముందుకు రానుంది. 'వినరో భాగ్యము విష్ణు కథ' సినిమాతో హిట్ కొట్టిన కిరణ్, పెద్దగా గ్యాప్ లేకుండానే 'మీటర్' తో వస్తున్నాడు. ఈ సినిమాలో ఒక కొత్త బాడీ లాంగ్వేజ్ తో .. కొత్త స్టయిల్ తో కనిపిస్తున్న కిరణ్, పెద్ద గ్యాప్ లేకుండానే మరో హిట్ ను తన ఖాతాలో వేసుకుంటాడేమో చూడాలి.
