Raviteja: 'రావణాసుర'లో వెంకీ హిట్ సాంగ్ .. రవితేజ స్టైల్ రీమిక్స్!
- సుధీర్ వర్మ నుంచి 'రావణాసుర'
- డిఫరెంట్ లుక్ తో కనిపించనున్న రవితేజ
- యంగ్ బ్యూటీస్ తో ఆయన ఆటపాటలు
- ఏప్రిల్ 7వ తేదీన సినిమా విడుదల
రవితేజ కథానాయకుడిగా 'రావణాసుర' రూపొందింది. అభిషేక్ నామా నిర్మించిన ఈ సినిమాకి రవితేజ నిర్మాణ భాగస్వామిగా ఉన్నాడు. ఈ సినిమాకి హర్షవర్ధన్ రామేశ్వర్ - భీమ్స్ సంగీత దర్శకులుగా వ్యవహరించారు. మరింత మాస్ యాక్షన్ తో ఎనర్జిటిక్ గా కనిపించడానికి రవితేజ రెడీ అవుతున్నాడు.
సుధీర్ వర్మ దర్శకత్వం వహించిన ఈ సినిమాను వచ్చేనెల 7వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి ఒక లిరికల్ సాంగును రిలీజ్ చేశారు. రవితేజ - మేఘ ఆకాశ్ పై చిత్రీకరించిన ఈ పాట, 'వెయ్యినొక్క జిల్లాల వరకూ వింటున్నాము నీ కీర్తినే .. ' అంటూ ఈ పాట కొనసాగుతోంది.
1991లో వెంకటేశ్ హీరోగా వచ్చిన 'సూర్య ఐపీఎస్' సినిమాలోని పాటకు ఇది రీమిక్స్. సిరివెన్నెల రాసిన ఆ పాటకు అప్పట్లో ఇళయరాజా సంగీతాన్ని అందించారు. ఇప్పుడు ఆ పాటను అనురాగ్ కులకర్ణి ఆలపించాడు. ఈ సినిమాలోని ఇతర ముఖ్య పాత్రలలో అనూ ఇమ్మాన్యుయేల్ .. ఫరియా అబ్దుల్లా .. దక్ష నగార్కర్ ... రావు రమేశ్ .. మురళీ శర్మ .. సంపత్ రాజ్ కనిపించనున్నారు.
