Naveen: బీటెక్ విద్యార్థి నవీన్ హత్య కేసులో మరో ఇద్దరి అరెస్ట్
- ఇటీవల నవీన్ ను దారుణంగా హత్య చేసిన హరిహరకృష్ణ
- తన గాళ్ ఫ్రెండ్ కు దగ్గరవుతున్నాడని కక్షతో దారుణం
- ఇప్పటికే హరిహరకృష్ణ అరెస్ట్
- తాజాగా హరిహరకృష్ణ ప్రియురాలు, స్నేహితుడు అరెస్ట్
- హత్య విషయం తెలిసి కూడా దాచారని అభియోగం
తన గాళ్ ఫ్రెండ్ కు దగ్గరవుతున్నాడని కక్షగట్టి స్నేహితుడ్ని దారుణంగా అంతమొందించిన ఘటన ఇటీవల సంచలనం సృష్టించింది. నవీన్, హరిహరకృష్ణ బీటెక్ విద్యార్థులు కాగా... ఓ అమ్మాయి కారణంగా హరిహరకృష్ణ... నవీన్ ను కిరాతకంగా హత్య చేశాడు. నవీన్ ను హత్య చేశాక గుండె చీల్చి, పేగులు బయటికి లాగి, మర్మాంగం కోసేసి... హరిహరకృష్ణ అత్యంత పైశాచికంగా వ్యవహరించాడు.
కాగా, ఈ కేసులో పోలీసులు మరో ఇద్దరిని అరెస్ట్ చేశారు. ఈ హత్య విషయం తెలిసి కూడా దాచారన్న కారణంతో హరిహరకృష్ణ ప్రియురాలు నీహారిక, స్నేహితుడు హసన్ లను కూడా పోలీసులు ఈ కేసులో నిందితులుగా చేర్చారు. వారిని అదుపులోకి తీసుకున్నారు.
ఇప్పటికే ప్రధాన నిందితుడు హరిహరకృష్ణను కస్టడీలోకి తీసుకున్న పోలీసులు ప్రశ్నిస్తున్నారు. ఇటీవల హరిహరకృష్ణను పలుమార్లు హత్య జరిగిన ప్రదేశానికి తీసుకెళ్లి మర్డర్ సీన్ రీకన్ స్ట్రక్షన్ ప్రక్రియ చేపట్టారు.
