Suresh Daggubati: దగ్గుబాటి సురేశ్ బాబు, రానాలపై క్రిమినల్ కేసు నమోదు
- ఓ భూ వివాదంలో ఆరోపణలు ఎదుర్కొంటున్న సురేశ్ బాబు, రానా
- తండ్రీకొడుకులపై నాంపల్లి కోర్టును ఆశ్రయించిన వ్యాపారవేత్త
- స్థలం విషయంలో బెదిరిస్తున్నారని ఆరోపణ
- సురేశ్ బాబు, రానాలకు కోర్టు సమన్లు
టాలీవుడ్ నిర్మాత దగ్గుబాటి సురేశ్ బాబు, ఆయన తనయుడు, ప్రముఖ నటుడు రానాలపై ఓ భూ వివాదంలో కేసు నమోదైంది. కొంతకాలంగా ప్రమోద్ కుమార్ అనే వ్యాపారవేత్తకు... సురేశ్ బాబుకు మధ్య వివాదం నడుస్తోంది. స్థలం ఖాళీ చేయాలంటూ సురేశ్ బాబు, రానా దౌర్జన్యానికి పాల్పడ్డారని, సురేశ్ బాబు తనను చంపేస్తానని కూడా బెదిరించారని ప్రమోద్ కుమార్ చెబుతున్నారు.
ఈ విషయంలో బంజారాహిల్స్ పోలీసులకు ఫిర్యాదు చేస్తే వారు స్పందించడంలేదంటూ, ప్రమోద్ కుమార్ నేరుగా నాంపల్లి కోర్టును ఆశ్రయించాడు. ప్రమోద్ కుమార్ ఫిర్యాదు నేపథ్యంలో క్రిమినల్ కేసు నమోదు కాగా... విచారణకు రావాలంటూ కోర్టు సురేశ్ బాబు, రానాలకు సమన్లు జారీ చేసింది.
