Ostrich: చైనాలో ఆస్ట్రిచ్ వాహనాలు
- నిప్పుకోడిని వాహనంగా ఉపయోగించుకుంటున్న తీరు
- కోడిపై కూర్చుని స్కూల్ కు వెళుతున్న బాలిక
- చైనాలోని యున్నాన్ ప్రావిన్స్ లో దర్శనం
నిప్పు కోళ్లను పెంచుకోవడం తెలుసు. అయితే, నిప్పు కోళ్లను వాహనాలుగానూ మార్చుకోవచ్చని చైనీయులు నిరూపిస్తున్నారు. చైనాలో ఓ చిన్నారి ఆస్ట్రిచ్ పక్షి వీపు భాగంలో ఎక్కి కూర్చోగా, అది దర్జాగా నడుస్తూ వెళుతోంది. ఆస్ట్రిచ్ పై కూర్చున్న చిన్నారి తన చేతితో దాని తలను తిప్పుతూ ఏ దిశలో వెళ్లాలన్నది సూచిస్తోంది.
స్కూల్ కు నిప్పుకోడిపై వెళుతున్న వీడియో ఇప్పుడు నెట్టింట వైరల్ అవుతోంది. యున్నాన్ ప్రావిన్స్ పరిధిలోని దాలిలో నివసించే బాలిక ఫిబ్రవరి 6న స్కూల్ కి నిప్పుకోడితో వెళుతున్న సమయంలో ఈ వీడియో తీశారు. ఆ సమయంలో నిప్పుకోడి వెంట మరో వ్యక్తి కూడా ఉన్నాడు. స్కూల్ దగ్గర బాలిక దిగిన వెంటనే నిప్పుకోడి బయటకు వెళ్లిపోవడాన్ని గమనించొచ్చు. కొన్ని నెలల క్రితం కూడా ఇదే మాదిరి ఒక బాలిక నిప్పుకోడిపై వెళుతున్న వీడియో కూడా బయటకు వచ్చింది.
