Bollywood: రంగంలోకి దిగుతున్న షారూక్ ఖాన్ కూతురు సుహానా ఖాన్

shahrukh khan daughter suhana khan  ready for debut

  • ది అర్చీస్ చిత్రంతో తెరంగేట్రం చేస్తున్న సుహానా ఖాన్
  • ఇదే చిత్రంలో అమితాబ్ మనవడు అగస్త్య, శ్రీదేవి చిన్న కూతురు ఖుషి కపూర్ తెరంగేట్రం
  • వచ్చే ఏడాది నెట్ ఫ్లిక్స్ లో విడుదల కానున్న చిత్రం

బాలీవుడ్ బాద్ షా షారూక్ ఖాన్ ఎన్నో ఏళ్లుగా ప్రేక్షకులను అలరిస్తున్నారు. ఇప్పుడు ఆయన నట వారసులుగా కుమారుడు ఆర్యన్ ఖాన్, కూతురు సుహానా ఖాన్ కూడా త్వరలోనే బాలీవుడ్‌ అరంగేట్రం చేయనున్నారు. ఆర్యన్ ఖాన్ మెగా ఫోన్ పట్టుకుని దర్శకుడిగా మారబోతున్నాడు. తన తండ్రికి చెందిన నిర్మాణ సంస్థ రెడ్ చిల్లీస్ ఎంటర్ టైన్మెంట్ రూపొందించే సినిమాతో దర్శకుడిగా పరిచయం కాబోతున్నాడు. ఇక, సుహానా ఖాన్ త్వరలోనే వెండితెర పైకి రంగప్రవేశం చేయనుంది. ‘ది అర్చీస్’ అనే చిత్రంలో ఆమె కీలక పాత్ర పోషిస్తుంది. ఈ సినిమాతోనే అమితాబ్ బచ్చన్ మనవడు అగస్త్య నందా, శ్రీదేవి చిన్న కూతురు ఖుషి కపూర్ కూడా తెరంగేట్రం చేయబోతున్నారు.

 ఈ సినిమాకు జోయా అక్తర్ దర్శకత్వం వహించారు. టైగర్ బేబీ ప్రొడక్షన్స్‌ తో కలసి నెట్‌ ఫ్లిక్స్ దీనిని నిర్మిస్తోంది. ఈ మూవీ షూటింగ్ పూర్తయింది. థియేటర్లలో కాకుండా వచ్చే ఏడాది నేరుగా నెట్‌ ఫ్లిక్స్ లో స్ట్రీమింగ్ కానుంది. మొన్నటిదాకా సినిమా షూటింగ్ లో బిజీ బిజీగా గడిపిన సుహానా ఖాన్ ఇప్పుడు కుటుంబంతో కలిసి సమయాన్ని గడుపుతోంది. తండ్రి షారూక్  తనకు ఇచ్చిన బహుమతిగా ఇచ్చిన ఓ జర్నల్‌ చదువుతోంది. షారూఖ్ కొన్నేళ్లుగా నటనకు సంబంధించిన మెలకువలను ఈ జర్నల్‌లో రాసుకున్నారు. నటనకు సంబంధించిన ప్రతి విషయం తనకు తెలియదని, కొన్నింటిని ఇక్కడ రాశానని షారూక్ చెప్పారు. 'ఈ కొన్ని విషయాలను నువ్వు నేర్చుకుని నాకు నేర్పించాలి' అంటూ జర్నల్ ను కూతురుకు ఇచ్చిన సందర్భంగా షారూక్ సోషల్ మీడియాలో పేర్కొన్నారు.

Bollywood
Shahrukh Khan
daughter
suhana khan
movie
debut
  • Loading...

More Telugu News