Ramcharan: రాంచరణ్, ఉపాసన తల్లిదండ్రులు కాబోతున్నారు: చిరంజీవి
- ఉపాసన తొలి బిడ్డకు జన్మనివ్వబోతోందన్న చిరంజీవి
- హనుమాన్ ఆశీస్సులతో చరణ్, ఉపాసన తల్లిదండ్రులు కాబోతున్నారని ట్వీట్
- ఆనందంలో మెగా అభిమానులు
మెగా కుటుంబంలో సందడి నెలకొంది. అభిమానులంతా ఎప్పుడెప్పుడా అని చూస్తున్న ఆనందకర సమయం వచ్చేసింది. రామ్ చరణ్, ఉపాసన దంపతులు తల్లిదండ్రులు కాబోతున్నారు. ఈ విషయాన్ని మెగాస్టార్ చిరంజీవి వెల్లడించారు. శ్రీ ఆంజనేయస్వామి వారి ఆశీస్సులతో రామ్ చరణ్, ఉపాసనలు తల్లిదండ్రులు కాబోతున్నారని ఆయన ట్విట్టర్ ద్వారా వెల్లడించారు.
ఉపాసన తొలి బిడ్డకు జన్మనివ్వబోతోందని చెప్పారు. చిరు చేసిన ఈ ట్వీట్ తో మెగా అభిమానులు సంతోషాన్ని వ్యక్తం చేస్తున్నారు. రామ్ చరణ్ దంపతులకు శుభాకాంక్షలు తెలుపుతున్నారు.
