Mahesh Babu: మహేశ్ బాబు ఖాతాలో మసాలా యాడ్... మీరూ చూడండి!
- ఎవరెస్ట్ గరం మసాలా యాడ్ లో నటించిన మహేశ్ బాబు
- ఆసక్తికరంగా యాడ్
- యాడ్ వీడియో పంచుకున్న ఎవరెస్ట్ స్పైసెస్
టాలీవుడ్ సూపర్ స్టార్ మహేశ్ బాబు తన తండ్రిని కోల్పోయిన దుఃఖం నుంచి బయటికి వచ్చి తన కార్యకలాపాలతో బిజీ అయ్యారు. ప్రస్తుతం త్రివిక్రమ్ శ్రీనివాస్ దర్శకత్వంలో నటిస్తున్న మహేశ్ బాబు తాజాగా ఓ యాడ్ లో నటించారు. ఇప్పటికే మహేశ్ బాబు అనేక బ్రాండ్లకు ప్రచారకర్తగా ఉన్నారు. ఇప్పుడు ఆయన ఖాతాలో మరో బ్రాండ్ చేరింది. ఇది ఎవరెస్ట్ గరం మసాలా యాడ్.
ఈ వాణిజ్య ప్రకటనను మహేశ్ బాబు తనదైన శైలిలో రక్తి కట్టించారు. దీనికి సంబంధించిన వివరాలను ఎవరెస్ట్ స్పైసెస్ సంస్థ సోషల్ మీడియా ద్వారా వెల్లడించింది. ఈ యాడ్ వీడియోను కూడా పంచుకుంది. "సౌత్ సూపర్ స్టార్ మహేశ్ బాబు ఇంటి భోజనం తయారీలో ఎవరెస్ట్ గరం మసాలానే వాడతారన్న విషయం ఇప్పుడే తెలిసింది" అంటూ ఎవరెస్ట్ స్పైసెస్ తన యాడ్ కంటెంట్ ను వివరించింది.
