Balakrishna: బాలకృష్ణ 108వ సినిమాకి రేపే ముహూర్తం!
- ముగింపు దశలో 'వీరసింహా రెడ్డి'
- రేపు పట్టాలపైకి వెళతున్న 108వ సినిమా
- ఉదయం 9:36 నిమిషాలకు లాంచ్
- దర్శకుడిగా అనిల్ రావిపూడి
ప్రస్తుతం గోపీచంద్ మలినేని దర్శకత్వంలో బాలకృష్ణ 'వీరసింహా రెడ్డి' సినిమా చేస్తున్నారు. కెరియర్ పరంగా ఇది ఆయనకి 107వ సినిమా. రాయలసీమ ఫ్యాక్షన్ నేపథ్యంలో నడిచే ఈ సినిమాను, సంక్రాంతికి విడుదల చేయనున్నారు. ఈ సినిమా విడుదల దిశగా అడుగులు వేస్తుండగానే, 108వ సినిమాను బాలయ్య పట్టాలెక్కించే పనిలో పడ్డారు.
సాహు గారపాటి .. హరీశ్ పెద్ది నిర్మిస్తున్న ఈ సినిమాకి, అనిల్ రావిపూడి దర్శకత్వం వహించనున్నాడు. కొంతకాలంగా ఈ ప్రాజెక్టుకు సంబంధించిన కసరత్తు జరుగుతూ వస్తోంది. మొత్తానికి ఈ సినిమా షూటింగు లాంచ్ కి ముహూర్తాన్ని ఖాయం చేసినట్టుగా ఒక పోస్టర్ ను రిలీజ్ చేశారు.
హైదరాబాదులో రేపు ఉదయం 9:36 నిమిషాలకు ఈ సినిమాను లాంచ్ చేయనున్నారు. తమన్ ఈ సినిమాకి సంగీతాన్ని సమకూర్చుతున్నాడు. ఈ సినిమాలో బాలయ్య కూతురుగా శ్రీలీల చేయనుండగా, ఆయన సరసన నాయికగా ప్రియాంక జవాల్కర్ పేరు వినిపిస్తోంది. రేపు మిగతా వివరాలు తెలిసే ఛాన్స్ ఉంది.
