TDP: విజయవాడలో కేశినేని శివనాథ్ ఆధ్వర్యంలో అన్నా క్యాంటీన్ ప్రారంభం

• విజయవాడ సెంట్రల్, పశ్చిమ నియోజకవర్గాల్లో రెండు అన్నా క్యాంటీన్లు
• కార్యక్రమానికి హాజరైన బుద్ధా వెంకన్న, పట్టాభిరాం, నాగుల్ మీరా
• పేదల ఆకలి తీర్చేందుకే అన్నా క్యాంటీన్లన్న బుద్ధా వెంకన్న

---

టీడీపీ నేత కేశినేని శివనాథ్ ఆధ్వర్యంలో విజయవాడలో బుధ, గురు వారాల్లో రెండు అన్నా క్యాంటీన్లు ప్రారంభమయ్యాయి. బుధవారం విజయవాడ సెంట్రల్ నియోజకవర్గంలో అన్నా క్యాంటీన్ ప్రారంభం కాగా... గురువారం విజయవాడ పశ్చిమ నియోజకవర్గంలో మరో అన్నా క్యాంటీన్ ప్రారంభమైంది. ఈ కార్యక్రమానికి టీడీపీ నేతలు బుద్ధా వెంకన్న, కొమ్మారెడ్డి పట్టాభిరాం, నాగుల్ మీరా తదితరులు హాజరయ్యారు. 
ఈ సందర్భంగా బుద్ధా వెంకన్న మాట్లాడుతూ... పేదల ఆకలి తీర్చేందుకు టీడీపీ హయాంలో అన్నా క్యాంటీన్లను ఏర్పాటు చేశామని తెలిపారు. ఈ అన్నా క్యాంటీన్లను వైసీపీ అధికారంలోకి రాగానే మూసివేశారని ఆయన ఆరోపించారు. అన్నా క్యాంటీన్ పేరు నచ్చకపోతే వైఎస్సార్ పేరు పెట్టుకుని అయినా వీటిని కొనసాగించాల్సి ఉండిందని ఆయన అభిప్రాయపడ్డారు.