Mohan Babu: నా కుమార్తె చిత్రంలో మొట్టమొదటిసారిగా నటిస్తున్నాను... భయంభయంగా ఉంది: మోహన్ బాబు
- మంచు లక్ష్మి నిర్మాతగా 'అగ్నినక్షత్రం'
- ఓ పాత్ర కూడా పోషిస్తున్న మంచు లక్ష్మి
- ప్రతీక్ ప్రజోష్ దర్శకత్వంలో చిత్రం
- ప్రొఫెసర్ విశ్వామిత్రగా మోహన్ బాబు
టాలీవుడ్ సీనియర్ నటుడు మోహన్ బాబు తన తదుపరి ప్రాజెక్టును ప్రకటించారు. తన కుమార్తె మంచు లక్ష్మి నిర్మిస్తున్న 'అగ్నినక్షత్రం' చిత్రంలో ప్రొఫెసర్ విశ్వామిత్ర పాత్ర పోషిస్తున్నట్టు వెల్లడించారు. ఈ చిత్రంలో మంచు లక్ష్మి కూడా నటిస్తుండగా, మొట్టమొదటిసారి కుమార్తె చిత్రంలో నటిస్తున్నానని, భయంభయంగా ఉందని మోహన్ బాబు పేర్కొన్నారు. ఈ మేరకు 'అగ్నినక్షత్రం' చిత్రంలోని తన లుక్ ను కూడా పంచుకున్నారు.
కాగా, ఈ చిత్రంలో సముద్రఖని, మలయాళ నటుడు సిద్ధిక్ కూడా పవర్ ఫుల్ పాత్రల్లో కనిపించనున్నారు. వినూత్న కథాంశంతో తెరకెక్కుతున్న 'అగ్నినక్షత్రం' చిత్రానికి ప్రతీక్ ప్రజోష్ దర్శకత్వం వహిస్తున్నాడు. లిజో కే జోషి సంగీతం అందిస్తున్నాడు.
