Naga Chaitanya: 'బాలరాజు'ను పరిచయం చేసిన మెగాస్టార్ చిరంజీవి
- ఆమిర్‌ ఖాన్‌, కరీనా జంటగా లాల్ సింగ్ చడ్డా
- కీలకపాత్రలో నాగచైతన్య
- బాలరాజుగా నటిస్తున్న వైనం
- అలనాటి బాలరాజు మనవడే ఈ బాలరాజు అంటూ చిరు ట్వీట్
బాలీవుడ్ మిస్టర్ పర్ఫెక్ట్ ఆమిర్‌ ఖాన్‌ ప్రధానపాత్రలో తెరకెక్కుతున్న చిత్రం లాల్ సింగ్ చడ్డా. ఇందులో టాలీవుడ్ నటుడు నాగచైతన్య ఓ కీలకపాత్రలో కనిపించనున్నాడు. ఆయన పాత్ర పేరు బాలరాజు. మెగాస్టార్ చిరంజీవి సోషల్ మీడియా ద్వారా బాలరాజు పాత్రను అందరికీ పరిచయం చేశారు. అలనాటి బాలరాజు (ఏఎన్నార్) మనవడు అక్కినేని నాగచైతన్యే ఈ బాలరాజు అంటూ చిరు ట్వీట్ చేశారు.
దీనిపై నాగచైతన్య స్పందించారు. ఈ పాత్ర తన కెరీర్ లో ఎప్పటికీ నిలిచిపోతుందని తెలిపారు. తన 'బాలా' ఆమిర్‌ ఖాన్‌ కు కృతజ్ఞతలు తెలుపుకుంటున్నట్టు వెల్లడించారు. అంతేకాదు, విశేష రీతిలో మద్దతు తెలుపుతున్నారంటూ మెగాస్టార్ చిరంజీవికి ధన్యవాదాలు తెలిపారు.
