Telangana: తెలంగాణలో 600కి పైన కరోనా రోజువారీ కేసులు
- గత 24 గంటల్లో 28,912 కరోనా పరీక్షలు
- 608 మందికి పాజిటివ్
- హైదరాబాదులో 324 కొత్త కేసులు
- 663 మందికి కరోనా నయం
- ఇంకా 4,900 మందికి చికిత్స
తెలంగాణలో కరోనా రోజువారీ కేసుల సంఖ్యలో స్వల్ప పెరుగుదల చోటుచేసుకుంది. గడచిన 24 గంటల్లో 28,912 శాంపిల్స్ పరీక్షించగా, 608 మందికి పాజిటివ్ గా నిర్ధారణ అయింది. అందులో అత్యధికంగా 324 కొత్త కేసులు హైదరాబాదులోనే నమోదయ్యాయి. రంగారెడ్డి జిల్లాలో 61, మేడ్చల్ మల్కాజిగిరి జిల్లాలో 47, ఖమ్మం జిల్లాలో 27 కేసులు వెల్లడయ్యాయి. అదే సమయంలో 663 మంది కరోనా నుంచి కోలుకున్నారు. కొత్తగా మరణాలేవీ సంభవించలేదు.
తెలంగాణలో ఇప్పటిదాకా 8,09,337 పాజిటివ్ కేసులు నమోదు కాగా... 8,00,326 మంది ఆరోగ్యవంతులయ్యారు. ఇంకా 4,900 మంది చికిత్స పొందుతున్నారు. రాష్ట్రంలో కరోనాతో ఇప్పటివరకు 4,111 మంది మరణించారు.
